මුදල් අමාත්‍යවරයා විසින් 2018 වසර සඳහා යෝජනා කර ඇති අයවැය පොඩි මිනිස්සුන්ට බදු දැමිම වෙනුවට ධනපතින්ට බදු පැනවු අයවැයක් බව වාමාෂිංක නායකයෙකු පවසයි.
රවී කරුණානයක 2017 වසර සඳහා ඉදිරිපත් කල අයවැයෙන් 20 – 80 බදු ක්‍රමයක් යෝජනා කර තිබුණද එය ඉටු කර ගැනිමට නොහැකි වු බව නව සම සමාජ පක්ෂයේ නායක ආචාර්ය වික්‍රමබාහු කරුණාරත්න කියා සිටියේය.
“අපි දන්නවා එයාව අන්තිමට රෝල් කරලා ඇමැතිකමෙනුත් එළියට විසිවෙලා ගියා” යැයි 14 අඟහරුවාදා පැවති මාධ්‍ය හමුවේදී ඔහු සඳහන් කළේය.
ධනපතීන්ට වැඩි බරක් පටවා කුඩා මිනිසුන් නිදහස් කරන වෙනස් කිරීමට මෙවර අයවැයෙන් සිදු කර ඇති යෝජනාව යථාර්ථයක් කර ගත යුතු බවයි වික්‍රමබාහු කරුණාරත්න පෙන්වා දෙන්නේ.
“මෙවර බදු ප්‍රතිපත්තිය හරහා පොඩි එකාට ඉඩක් දීලා ලොකු එකාට බර පටවන්න තමයි හදලා තියෙන්නේ” යි ආචාර්ය වික්‍රමබාහු වැඩි දුරටත් කියා සිටියේය.
Facebook Comments
