මාරාන්තික කොරෝනා වසංගතය පාලනය සදහා යුද හමුදාව යෙදවීමට හේතුව ආරක්ෂක ලේකම් විසින් හෙළි කර තිබේ.
” හමුදාවලට තියන එක කොටසක් තමයි ඒ අයගේ වගකීම් වල Nuclear biological and chemical warfare කියන එකට මුහුණදීම. මුහුණ දීම කියලා කිව්වහම ජනතාව ඒ Nuclear biological and chemicalතර්ජනවලින් ගලවා ගැනීම සහ ඒවයින් ඇතිවන අතුරු පල, අතුරු විපාක නැවැත්වීමට කළ හැකි හැම දෙයක්ම කිරීම හමුදාවල් වලටත් අයිති රාජකාරියක්.”
ආරක්ෂක ලේකම් ජෙනරල් කමල් ගුණරත්න එහිදි වැඩි දුරටත් සදහන් කලේ කෝවිඩ් වෛරසය “biological warfare එකකට පාවිච්චි කරන ජාතියේ” වෛරසයක් ලෙස ශ්‍රී ලංකාව සලකන බවයි.
මාධ්‍ය හමුවකදී ඔහු හමුදාවේ කාර්යභාරය යුක්ති සහගත කළේ කොරෝනාබාධිත වීමෙන් ශ්‍රී ලාංකිකයන් දස දහසකට වැඩි ප්‍රමාණයක් මේ වන විටත් ජීවිතයෙන් වන්දි ගෙවා තිබියදීය.
සැප්තැම්බර් 9 වැනි බ්‍රහස්පතින්දා ශ්‍රී ජයවර්ධනපුර කෝට්ටේ පිහිටි ආරක්ෂක අමාත්‍යාංශයේ පැවති එම මාධ්‍ය හමුවට නාවික හමුදාපති වයිස් අද්මිරාල් නිශාන්ත උළුගේතැන්න සහ පොලිස්පති චන්දන වික්‍රමරත්න ද සහභාගී වූහ.
මීට ඉහතදී කෝවිඩ් ආසාදිත මුස්ලිම් මල සිරුරු වල දැමීමට විරුද්ධව නැගුනු එක තර්කයක් වූයේ එම දේහ ජීව විද්‍යාත්මක අවියක් ලෙස යොදා ගත හැකි බවයි.
ආරක්ෂක ලේකම්ගේ අර්ථ දැක්වීම පහත වීඩියෝවෙන් නරඹන්න
Facebook Comments
