දකුණු කොරියානු රජයේ ආධාර මත අපරාධ පරීක්ෂණ දෙපාර්තමේන්තුව යටතේ ස්ථාපිත කරන ලද ඩිජිටල් වෝහාරික පුහුණු මධ්යස්ථානය 20 අගහරුවාදා උදෑසන අග්රාමාත්ය කාර්යමණ්ඩල ප්රධානී නීතිය හා සාමය සහ දක්ෂිණ සංවර්ධන අමාත්ය සාගල රත්නායක ගේ ප්රධානත්වයෙන් විවෘත කර තිබේ.
වර්තමානයේ සිදුවන අපරාධ මැඩලීම සඳහා නවීන තාක්ෂණය භාවිතා කිරීම හා ඒ සම්බන්ධයෙන් පොලිස් නිලධාරීන් දැනුවත් කිරීම මෙමගින් අපේක්ෂිත කාර්යන් වී ඇත.
එම අවස්ථාවට නීතිය හා සාමය සහ දක්ෂිණ සංවර්ධන අමාත්යංශයේ ලේකම් ජගත් විජේවීර , දකුණු කොරියාවේ තානාපති, පොලිස්පති සහ ජ්යෙෂ්ඨ පොලිස් නිලධාරීන් මෙන්ම කොරියානු රාජ්ය ත්රාන්ත්රිකයන් පිරිසක් සහ මෙරට රාජ්ය නිලධාරීන් ඇතුලු පිරිසක්ද සහභාගී වී තිබේ.