ශ්‍රී ලංකා නිදහස් පක්ෂය වෙනුවෙන් පෙනී සිටින පාර්ලිමේන්තු මන්ත්‍රීවරුන් තිස් නවදෙනා ඉදිරියේදී ශ්‍රීලනිප තනි ආණ්ඩුවක් සඳහා කැපවන බව මෙන්ම මීළඟ ජනාධිපති අපේක්ෂකයා ලෙස මෛත්‍රීපාල සිරිසේන නම් කර අවසන් බව පක්ෂයේ මහ ලේකම්වරයා පවසයි.
මීළඟ ජනාධිපති අපේක්ෂකයා ලෙස ශ්‍රී ලංකා නිදහස් පක්ෂය සිටින හොඳම සහ ජයග්‍රහණය කල හැකි අපේක්ෂකයා වත්මන් ජනාධිපති මෛත්‍රීපාල සිරිසේන බව ඇමැති දුමින්ද දිසානායක 18 බදාදා පැවති මාධය හමුවක දී කියා සිටියේය.
ශ්‍රී ලංකා නිදහස් පක්ෂයේ සියලු දෙනාම මෛත්‍රීපාල සිරිසේන නැවත වරක් ජනාධිපතිවරයා ලෙස පත් කරවා ගැනීමට කටයුතු කරනු ඇති බවටයි මහ ලේකම් දුමින්ද දිසානායක විශ්වාසය පල කරන්නේ.
“පොහොට්ටුව පැත්තෙන් ඒ අය අනාගත ජනාධිපති අපේක්ෂයා නම් කරලා ඒ අය වෙනුවෙන් පෙනී ඉන්නවා ඉතින් අපි විශ්වාස කරනවා ශ්‍රී ලංකා නිදහස් පක්ෂයේ අපි හැමෝටම මිළඟ ජනාධිපති අපේක්ෂයා විදියට දැනට ඉන්න හොඳම සහ ජයග්‍රාහී අපේක්ෂකයා වර්තමාන ජනාධිපති මෛත්‍රීපාල සිරිසේන මැතිතුමා” යි ඇමැතිවරයා සඳහන් කළේය.
ආණ්ඩුව ගෙන යාමට තුනෙන් දෙකක් අවශ්‍ය නොවන බව පෙන්වා දුන් ඇමැති දුමින්ද දිසානායක ආණ්ඩුව හොඳ යෝජනා ගෙන ආ විට පාර්ලිමේන්තුවේ මන්ත්‍රීවරුන් ඊට තුනෙන් දෙක ලබා දෙනු ඇති බවට ආණ්ඩුව පවත්වාගෙන යාමට තුනෙන් දෙකක් නොමැති බවට පළවන කතා සම්බන්ධව අදහස් දක්වමින් වැඩි දුරටත් කියා සිටියේය.
Facebook Comments
