අගමැති රනිල් වික්‍රමසිංහට එරෙහි විශ්වාස භංග යෝජනවා හිටපු ජනපති පාර්ලිමේන්තු මන්ත්‍රී මහින්ද රාජපක්ෂ ප්‍රමුඛ ඒකාබද්ධ විපක්ෂය කතානායක වෙත බාර දී තිබේ.
විශ්වාසභංග යෝජනාව සඳහා ඒකාබද්ධ විපක්ෂයේ මන්ත්‍රීවරුන් 51ක් හා ශ්‍රී ලංකා නිදහස් පක්ෂ මන්ත්‍රීවරුන් 4 දෙනෙක් අත්සන් කළ ඇති බවයි වාර්තා වන්නේ.
ශ්‍රී ලංකා නිදහස් පක්ෂයේ රාජ්‍ය අමාත්‍යවරුන් වන ටී. බී ඒකනායක, නිශාන්ත මුතුහෙට්ටිගම යන මහත්වරුන් හා වවුනියාව දිස්ත්‍රික් පාර්ලිමේන්තු මන්ත්‍රී කාදර් මස්තාන් සහ සුසන්ත පුංචිනිලමේ විශ්වාස භංග යෝජනාවට අත්සන් තබා ඇත.
මහ බැංකුවට ශ්‍රී ලංකාවේ පුරවැසියෙකු නොවන පුද්ගලයෙකු පත් කිරිම, ඇතුළු බැදුම්කර වංචාවට අනුබල දීම හේතුවෙන් අගමැතිවරයා කෙරෙහි විශ්වාසයක් නොපවතින බව පවසමින් විශ්වාස භංග යෝජනාව බාර දී තිබේ.
Facebook Comments
