මන්නාරම සමුහ මිනිවළෙන් ඇටසැකිලි පනහක්

0
550
wedding people
Loading...

මන්නාරම ප්‍රදේශයෙන් හමු වූ සමුහ මිනීවළ ආශ්‍රිත කැණීම් කටයුතුවලින් ළමුන් හා ස්ත්‍රීන් ද ඇතුළු ‘පුද්ගලයන් පනහකට’ ආසන්න පිරිසකගේ අස්ථි කොටස් සොයාගැනීමට පරීක්‍ෂණ කණ්ඩායම් සමත් වී තිබේ.

“පසුගිය දවස් තිස් හතක කාලය ඇතුළත සොයාගත් අස්ථි කොටස් දැන් අපි ක්‍රමානුකූලව වෙන් කරගෙන යනවා. සමහර ඇට සැකිලිවල අස්ථි කැබලි කිහිපයක් අඩුව තියෙන්න පුලුවන්. නමුත් එ්ක සම්පූර්ණ ඇට සැකිල්ලක් හැටියට පිළිගත නොහැකි බවක් ඒකෙන් හැඟවෙන්නේ නැහැ” යි මන්නාරම සමුහ මිනිවළෙ පරීක්‍ෂණ කටයුතු භාර මන්නාරම ප්‍රධාන අධිකරණ වෛද්‍ය නිලධාරී සමින්ද රාජපක්ෂ ජේඩීඑස් හා කියා ඇත.

අස්ථි කොටස්වලින් සම්පූර්ණ මිනිස් ඇට සැකිලි පනහකට ආසන්න සංඛ්‍යාවක් හඳුනාගත හැකිව තිබෙන බවයි අධිකරණ වෛද්‍ය නිලධාරීවරයා පවසන්නේ.

හිස් කබල් 40ක්

දැනට වෙන් කොට ඇති ඇට සැකිලි පනහට අමතරව තවත් පුද්ගලයන් තිහක හෝ හතලිහකගේ පමණ හිස් කබල් ද කැණීම් මගින් සොයාගෙන ඇති අතර ඒවාට අදාළ අවශේෂ අස්ථි කොටස් ඉදිරි කැණීම් කටයුතුවලින් හමුවීමට ඉඩ ඇතැයි වෛද්‍ය රාජපක්ෂ ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ සංවිධානයට පවසා තිබේ.

සොයා ගන්නා ලද අස්ථි කොටස් වැඩි ප්‍රමාණයක් හමුව ඇත්තේ අවිධිමත් ලෙස එකක් මත එකක් වශයෙන් වළ දැමූ මළ සිරුරුවලින් බවයි වෛද්‍යවරයා පෙන්වා දෙන්නේ.

මේ දක්වා සිදු කරන ලද කැණීම්වලින් ගොඩගනු ලැබ ඇති ඇට සැකිලිවල ස්ත්‍රී පුරුෂභාවය නිශ්චිත වශයෙන් තීන්දු කිරීමට වැඩිදුර පරීක්‍ෂණවලට භාජනය කිරීම අවශ්‍ය නමුත්, කාන්තාවන්ගේ යැයි විශ්වාස කළ හැකි අස්ථි කොටස් දැනටත් හමුවී ඇතැයි වෛද්‍ය මන්නාරම ප්‍රධාන අධිකරණ වෛද්‍ය නිලධාරී සමින්ද රාජපක්ෂ වැඩි දුරටත් පවසා ඇත.

මැදවච්චිය මන්නාරම මහා මාර්ගය පසෙක ඇති සතොස භූමියේ නව ඉදිකිරීම් කටයුතු ආරම්භ කරද්දී මුලින්ම මිනිස්‌ ඇටකැබලි හමුවූයේ මැයි 16 දාය.

Facebook Comments

Loading...