මෙරට ප්‍රකට ව්‍යාපාරිකයකු වන ධම්මික පෙරේරා මේ සතිය තුලදී කැබිනට් අමාත්‍යවරයකු ලෙස දිවුරුම් දීමට නියමිතව ඇතැයි ආණ්ඩුවේ අභ්‍යන්තර ආරංචිමාර්ග පවසයි.
ජාත්‍යන්තර ආයෝජන හා වෙළදාම් විෂයයට අදාල අමාත්‍ය ධුරයක් ඔහුට හිමි වනු ඇති බවටයි එම ආරංචි මාර්ග පවසන්නේ.
පොහොට්ටු පක්ෂයේ ජාතික සංවිධායක බැසිල් රාජපක්ෂ හෙට දිනයේ විශේෂ ප්‍රකාශයක් කරමින් සිය ජාතික ලැයිස්තු මන්ත්‍රී ධුරයෙන් ඉල්ලා අස්වීමට නියමිත බවත්, එකී පුරප්පාඩුවට ධම්මික පෙරේරා පත්වීමට නියමිත බවයි වාර්තා වන්නේ.
අමාත්‍ය ධුරයක් බාර ගනිමින් රට මුහුණදී සිටින අර්බුදයෙන් ගලවා ගන්නා ලෙස ජනාධිපතිවරයා මිට පෙර අවස්ථා කිහිපයකදීම ධම්මික පෙරේරාගෙන් ඉල්ලීම් කර තිබු බව ද මාධ්‍ය වාර්තා කර තිබුනි.
Facebook Comments
