හිටපු ආරක්ෂක ලේකම් ගෝඨාභය රාජපක්ෂ හට අධිකරණයේ පෙනී සිටින ලෙස කොළඹ මහේස්ත්‍රාත් අධිකරණය සිතාසි නිකුත් කර තිබේ.
ඩී ඒ රාජපක්ෂ අනුස්මරණ කෞතුකාගාරය ඉදිකිරීමේ දී රුපියල් මිලියන 80කට අධික රජයේ මුදල් සාවද්‍ය ලෙස පරිහරණය කළේ යැයි කියන සිද්ධියේ සැකකරුවන් ලෙස නම් කර ඇති හිටපු ආරක්ෂක ලේකම් ඇතුළු හත්දෙනෙකු හට මෙසේ අධිකරණය හමුවේ පෙනී සිටින ලෙස 20 සිකුරාදා කැඳවු අවස්ථාවේ මෙම නියෝගය නිකුත් කළේය.
මෙම සිද්ධිය සම්බන්ධයෙන් පරීක්ෂණ පවත්වා වාර්තා සියල්ල නීතිපතිවරයා වෙත ඉදිරිපත් කර ඇති බව ද පොලිස් මූල්‍ය අපරාධ විමර්ශන කොට්ඨාශය අධිකරණය හමුවේ කියා සිටියේය.
එ් අනුව නීතිමය පියවර ගන්නා ලෙස නීතිපති දෙපාර්තුමේන්තුව දන්වා ඇති බව අධිකරණය හමුවේ කී පොලිස් මූල්‍ය අපරාධ විමර්ශන කොට්ඨාශය සැකකරුවන්ට සීතාසි නිකුත් කරන ලෙස ඉල්ලීමක් කරන ලදී.
එම ඉල්ලීම සලකා බැලු කොළඹ මහේස්ත්‍රාත් කාංචනා නෙරංජනා සිල්වා ගෝඨාභය රාජපක්ෂ ඇතුළු සැකකරුවන් හට ලබන සැප්තැම්බර් 7 වන දින කොළඹ මහේස්ත්‍රාත් අධිකරණය හමුවේ පෙනී සිටින ලෙසට සීතාසි නිකුත් කළේය.
Facebook Comments
