ආණ්ඩුව සකස් කිරීම සඳහා අවශ්‍ය ඕනෑම සහයෝගයක් ලබා දීමට චීනය සුදානම් බව මෙරට චීන තානාපතිවරයා මහින්ද රාජපක්ෂ හට දැනුම් දී තිබේ.
මහින්ද රාජපක්ෂ හමුවීමට 27 සෙනසුරාදා පැමිණි ශ්‍රී ලංකාවේ චීන තානාපතිවරයා මේ බව දැනුම් දුන් බවට තානාපති කාර්යාල නිලධාරියෙකු සිලෝන් නිවුස් වෙත කියා සිටියේය.
ඒ අනුව මහින්ද රාජපක්ෂ විසින් ආණ්ඩුව බිහි කිරීමට අවශ්‍ය මන්ත්‍රී බහුතරය සකස් කර ගැනීමට චීනයේ සහයෝග ඉල්ලා තිබේ.
මන්ත්‍රීවරුන් තමා වෙත ලබා ගැනීමට අවශ්‍ය මුදල් ලබා දෙන ලෙස චීන තානාපතිවරයාගෙන් ඉල්ලා ඇති මහින්ද රාජපක්ෂ ඊට ප්‍රති උපකාර ලෙස තම රජය යටතේ චීන අයෝජන වලට වැඩි ඉඩක් ලබා දීමට පොරොන්දු වු බව තානාපති නිලධාරියා පැවසීය.
මහින්ද රාජපක්ෂගේ ඉල්ලීමට අනුව චීන තානාපති කාර්යාලය විසින් මේ වන විටත් මන්ත්‍රීවරුන් මිලට ගැනීමට අවශ්‍ය මුදල් ලබා දී ඇති බවත් එම මුදල කොපමණ ද යන්න තමන් මෙතෙක් නොදන්නා බව ඔහු වැඩි දුරටත් කියා සිටියේය.
2015 පැවති ජනාධිපතිවරණය වෙනුවෙන් හිටපු ජනාධිපති මහින්ද රාජපක්ෂගේ මැතිවරණ වියදම් සඳහා චයිනා හාබර් සමාගම ඩොලර් මිලියන 7.6 ක මුදලක් ලබා දුන් බවට ඇමරිකාවේ සිට පළවන නිව්යොර්ක් ටයිම්ස් මීට පෙර අනාවරණය කර තිබුණි.
Facebook Comments
