දිවයිනට බලපෑ අයහපත් කාළගුණයෙන් රෝහල් භුමිය ජලයෙන් යට වී තිබියදීත් තම ජන්ම දිනය සැමරීම සඳහා සෞඛ්‍ය අමාත්‍යවරයා විසින් රෝහල් ගොඩනැගිල්ලක් විවෘත කිරීම එම රෝහලේ වෛද්‍යවරුන්ගේ හා කාර්ය මණ්ඩලයේ දැඩි දෝෂ දර්ශනයට ලක්ව තිබේ.
පසුගිය මැයි 29 වන දින කළුතර නාගොඩ රෝහලේ සායන සංකීර්ණය සහ හෘද රෝග ඒකකය අමාත්‍ය රාජිත සේනාරත්න විසින් විවෘත කර තිබුණේ ඔහුගේ 67 වන ජන්ම දිනය සැමරීම වෙනුවෙනි.
ගංවතුර සහ නායයෑම් හේතුවෙන් දිස්ත්‍රික්ක ගණනාවක ජනාතාව පීඩා විදිමින් සිටන මොහොතක මෙම ගොඩනැගිල්ල විවෘත නොකරන ලෙස රෝහලේ වෛද්‍යවරුන් සහ කාර්ය මණ්ඩලය ඉල්ලීම් කර තිබුණද අමාත්‍යවරයා එම ඉල්ලීම ඉවත දමා තිබේ.
ආපදා තත්ත්වය හේතුවෙන් ජනාධිපතිවරයා සහ අගමැතිවරයා විසින් සියලුම උත්සව තාවකාලිව අත්හිටුවා තිබියදීත් සෞඛ්‍ය අමාත්‍යවරයා මෙම ගොඩනැගිල්ල විවෘත කර ඇත්තේ විවෘත කල ගොඩනැගිල්ල වටා භුමියද ජලයෙන් යට වී තිබු තත්ත්වයකදීය.
Facebook Comments
