නව ව්‍යවස්ථාවක් සකසන්නේ නම් හෝ පවත්නා ව්‍යවස්ථා සංශෝධනයට ලක් කරන්නේ නම් එය බෞද්ධ භික්ෂුන් වහන්සේගේ අනුමැතියෙන් තොරව සිදු නොකරන්නට ජනාධිපති මෛත්‍රීපාල සිරිසේන ත්‍රෛනිකායික මහනාහිමියන් හට පොරොන්දු වී ඇත.
නව ආණ්ඩුක‍්‍රම ව්‍යවස්ථාවක් පිළිබද දළ කෙටුම්පතක් හෝ සම්පාදනය කරන්නේ නම් ඒ පිළිබදව ගරුතර මහා සංඝරත්නය දැනුවත් කරමින් උන්වහන්සේලාගේ ද අදහස් සහ යෝජනා ලබා ගැනීමට කටයුතු කරන බවට මහනුවර ජනාධිපති මන්දිරයේදී 6 බ්‍රහස්පතින්දා තමන් හමුවූ සංඝයා වහන්සේ හමුවේ ජනාධිපති වරයා සහතික වී තිබේ.
ජනාධිපතිවරයා මෛ සහතිකය ලබා දී ඇත්තේ ව්‍යවස්ථා වෙනසකින් බලය බෙදීම සහ මූලික අයිතිවාසිකම් තහවුරු කිරීම ඇතුළු සුළුතර ජන කොටස් වෙත සලසනු ඇතැයි විශ්වාස කෙරෙන සහන වලට ත්‍රෛනිකායික මහනාහිමියන් ප්‍රමුඛ පැවිදි නියෝජිත පිරිසක් දැඩි විරෝධය හමුවවේය.
සංඝයා වහන්සේට අභිමත නොවන කිසිදු ව්‍යවස්ථා ප්‍රතිසංස්කරණයකට තම සහාය නොලැබෙන බවට ත්‍රෛනිකායික හිමිවරු ජනාධිපතිවරයාට අනතුරු අඟවා තිබේ.
බුද්ධාගමට ප්‍රමුඛ ස්ථානය දෙන බව සඳහන් වගන්තියට මුලික අයිතිවාසිකම් ඇතුලත් කිරීම තුලින් එහි තියෙන බලාත්මක බව සිඳී යන බවට සංඝයා වහන්සේ තුල පවතින බිය ජනාධිපතිවරයාට දැනුම් දුන් බව මැදගම ධම්මානන්ද නාහිමියෝ හමුව අවසනයේ මාධ්‍ය වෙත ප්‍රකාශ කළේය.
රටේ දේශපාලනය සම්බන්ධයෙන් ත්‍රෛනිකායික බලපෑමක් කෙරුනු මුල්ම අවස්තාව මේ වන බැවින් ජනාධිපතිවරයා “අවබෝධයෙන් යුතුව” බෞද්ධ භික්ෂුන් වහන්සේගේ ඉල්ලීම ඉටු කරනු ඇතැයි සිය විශ්වාසය බව ඕමල්පේ සෝභිත හිමියෝ පැවසුහ.
Facebook Comments
