අතිවිශේෂ ගැසට් නිවේදනයක් නිකුත් කරමින් ජනාධිපති මෛත්‍රීපාල සිරිසේන පාර්ලිමේන්තුවේ වාර අවසන් කිරිමෙන් පාර්ලිමේන්තුවට ඉදිරිපත් කර තිබෙන රටට හිතකර යෝජනා සහ පනත් කෙටුම්පත් කිහිපයක් අහෝසි වී තිබේ.
ජාතික විගණන පනත් කෙටුම්පත විවාදය, රාජ්‍ය මුල්‍ය සහ දේපළ අවභාවිතා කිරීමට චෝදනා ලැබුවන්ගේ නඩු කඩිනම් කිරීම සඳහා ගෙන එනු ලැබූ අධිකරණ සංවිධාන පනත් කෙටුම්පත විවාදය සහ ජනතා විමුක්ති පෙරමුණ විසින් විධායක ජනාධිපතිධුරය අහෝසි කිරීමේ පෞද්ගලික මන්ත්‍රී යෝජනාව ඇතුළු රටට පනත් කිහිපයක් අප්‍රියල් 19 වනදා විවාදයට ගැනීමට නියමිතව තිබුණ ද වාර අවසන් කිරිම හේතුවෙන් එම යෝජනා හා පනත් අහෝසි විය.
එම යෝජනා සහ පනත් නැවත පාර්ලිමේන්තුවේ න්‍යාය පත්‍රයට ඇතුලත් කල යුතු බවයි පාර්ලිමේන්තු නියෝජ්‍ය මහ ලේකම් නීල් ඉද්දවෙල පෙන්වා දෙන්නේ.
එමෙන් ම පාර්ලිමේන්තුව තුළ ක්‍රියාත්මක වන රාජ්‍ය ගිනුම් කාරක සභාව, පොදු ව්‍යාපාර කාරක සභාව ඇතුළු අනෙකුත් සියලු ම කාරක සභා ද අහෝසි වන මුත් පාර්ලිමේන්තුවට අලුතින් හඳුන්වා දුන් ආංශික අධීක්ෂණ කාරක සභා 16 ඒ ආකාරයෙන් ම පවත්වාගෙන යන බව පාර්ලිමේන්තු නියෝජ්‍ය මහ ලේකම්වරයා කියා සිටියේය.
විධායකය බේර ගන්න කල වැඩක්
ආණ්ඩුක්‍රම ව්‍යවස්ථාවේ 70 ව්‍යවස්ථාවේ බලතල අනුව අංක 2066/43 අතිවිශේෂ ගැසට් නිවේදනය හරහා ජනාධිපතිවරයා 12 බ්‍රහස්පතින්දා මධ්‍යම රාත්‍රීයේ සිට පාර්ලිමේන්තු වාරය අවසන් කිරීම සිදු කරන ලදී.
මේ අතර විධායක ජනාපති ධුරය අහෝසි කිරිමේ යෝජනාව වළක්වා ගැනිමේ අරමුණින් ජනාධිපතිවරයා පාර්ලිමේන්තු වාරය අවසන් කරන ලද බවයි ජනාධිපතිවරයාට සම්බන්ධ දේශපාලන ආරංචි මාර්ග පවසන්නේ.
Facebook Comments
