ශ්‍රී ලංකා යුද හමුදාව විසින් විස අට වසරක් තිස්සේ කඳවුරු බැද සිටි යැබනය වලිකාමම් ප්‍රදේශයේ ඉඩම් අක්කර 683 ක් ඒවායේ මුල් හිමිකරුවන්ට ලබාදීමට කටයුතු කර තිබේ.
යුද හමුදාපති ලුතිනල් ජෙනරල් මහේෂ් සේනානයක විසින් යාපනයේ දිස්ත්‍රික් ලේකම් නාගලිංගම් වේදනායගන් වෙත 13 සිකුරාදා නිල වශයෙන් ඉඩම් බාර දෙනු ලැබුවේ යාපනයේ මයිලිටි ප්‍රදේශයේ පැවති උත්සවයකදීය.
පසුගිය මාස කිහිපයක කාලය තුල යුද්ධ හමුදාව විසින් ගනු ලැබු පියවරයන්ට අනුව ජාතික ආරක්ෂාව පවත්වාගෙන යාමට කිසිදු බලපෑමක් නොවන අයුරින් නිත්‍යානුකූල අයිතිකරුවන් 964 අයත් ඉඩම් මෙසේ පවරා දුන් බවයි ශ්‍රී ලංකා යුද හමුදාව පවසන්නේ.
2015 වසරේ සිට මේ දක්වා සිවිල් ජනතාව වෙනුවෙන් මුදා හැරුණු යාපනය දිස්ත්‍රිකයේ ඉඩම් ප්‍රමාණය අක්කර 21,000 කට අධික බවත් කිලිනොච්චි දිස්ත්‍රික්කයේ අක්කර 24,000ක්ද මුලතිව් දිස්ත්‍රික්කයේ අක්කර 7000 ක් බව ද යුද හමුදාව නිවේදනය කරයි.
සියල්ල විනාශයි
තම අයත් තිබු සියල්ල සම්පුර්ණයෙන් විනාශ වී ඇති බව මෙන්ම තමන් හට අයත් ව තිබු වටිනා දෑ යුද හමුදාව විසින් සොරගෙන ඇති බවට විසි අට වසරකට පසු තම ගම්බ්ම් බලා ගිය සිවිල් වැසියෝ චෝදනා කරති.
රජය විසින් තමන් හට මුලික පහසුකම් ලබා දෙමින් ජිවත යතා තත්ත්වයට පත් කර ගැනීමට සහාය වනු ඇති බවටයි ගම් වැසියන් වැඩි දුරටත් විශ්වාසය පල කරන්නේ.
මෙතෙක් වසා තිබුණු පේදුරු තුඩුව – මයිලිටි හරහා ඇති පොන්නාලේ මාර්ගය ද යළි විවෘත කර ඇත්ත මාර්ගයේ ගමන් කිරිම උදෑසන 6.00 ත් රාත්‍රී 7.00 ත් කාලය දක්වා සීමා කර ඇත.
Facebook Comments
