ප්‍රගීත් එක්නැළිගොඩ අතුරුදහන් කිරීමේ චූදිතයන්ට දස වසකට පසු නඩු

0
138
Ivory Agency Sri Lanka
wedding people
Loading...

දස වසරකට ඉහත දී මාධ්‍යවේදී ප්‍රගීත් එක්නැළිගොඩ පැහැර ගෙන ගොස් අතුරුදහන් කිරීම සම්බන්ධයෙන් හමුදා බුද්ධි නිලධාරින් හත් දෙනකුට එරෙහිව අධි චෝදනා ගොනු කර තිබේ.

මෙම අපරාධය සම්බන්ධයෙන් සිදුකළ දීර්ඝ විමර්ශනයකින් අනතුරුව විත්තිකරුවන්ට එරෙහිව නීතීපතිවරයා 07 බ්‍රහස්පතින්දා හෝමාගම මහාධිකරණයේ නඩු පැවරූ බව නීතීපති, ජනාධිපති නීතීඥ දප්පුල ද ලිවේරාගේ සම්බන්ධීකරණ නිලධාරිණි, ජ්‍යෙෂ්ඨ රජයේ නීතීඥ නිශාරා ජයරත්න කියා සිටියාය.

ගිරිතලේ යුද හමුදා කඳවුරේ අණදෙන නිලධාරියාව සිටි යුද හමුදා ලුතිනන් කර්නල් ශම්මි අර්ජුන් කුමාරරත්න, ලුතිනන් කර්නල් ප‍්‍රබෝධ සිරිවර්ධන, ආර්.එම්.පී.කේ. රාජපක්‍ෂ හෙවත් නාදන්, වීනී ප‍්‍රියන්ත ඩිලන්ජන් උපසේන හෙවත් සුරේෂ්, එස්.එම්. රවින්ද්‍ර රූපසේන හෙවත් රංජි, එස්.කේ. උළුගෙදර සහ හේමචන්ද්‍ර පෙරේරා නමැති යුද හමුදා නිලධාරීන්ට එරෙහිව මෙසේ අධිචෝදනා ගොනු කර ඇත.

2009 අගොස්තු මස 27 වැනිදා හෝ ඊට ආසන්න දිනයක ගිරිතලේ, හබරණ හා කොට්ටාව ප‍්‍රදේශවලදී පැමිණිල්ල නොදත් පිරිසක් සමඟ එක්ව ප‍්‍රගීත් රන්ජන් බණ්ඩාර එක්නැළිගොඩ අයුතු ලෙස සිරකර තැබීමේ අදහසින් ඔහු පැහැරගෙන යෑමට කුමන්ත‍්‍රණය කළැයි විත්තිකරුවන්ට එරෙහිව චෝදනා නගා තිබේ.

Facebook Comments

Loading...