තමන් ජනපති වු වහාම නව අගමැතිවරයකු පත් කරන බවට නව ප්‍රජාතන්ත්‍රවාදී පෙරමුණේ ජනපති අපේක්ෂකයා ප්‍රකාශ කර සිටී.
පාර්ලිමේන්තුවේ බහුතර කැමැත්ත ඇති කෙනෙකු තම අගමැතිවරයා ලෙස පත් කර ගන්නා බවත් දුෂණ හා අක්‍රමිකතා චෝදනා ඇති කිසිවකුත් තම අමාත්‍ය මණ්ඩලයට එක් කර නොගන්නා බවට ජනපති අපේක්ෂක සජිත් ප්‍රේමදාස 07 බ්‍රහස්පතින්දා විශේෂ ප්‍රකාශයක් කරමින් කියා සිටියේය.
“මා ජනාධිපති ධුරයට පත්වු වහාම පාර්ලිමේන්තුවේ බහුතරය දිනා ගත හැකි නව අග්‍රාමාතවරයෙක් පත් කරන බවට මම ඔබට ප්‍රකාශ කරන්න කැමති. මාගේ ඇමැති මණ්ඩලයට දුෂණ හා අක්‍රමිකතා චෝදනා ඇති කිසිවෙක් ඇතුලත් කර ගන්නේ නැහැ. හැකිතාක් ඉක්මනින් සාධාරණ මැතිවරණයක් පවත්වා ස්ථාවර නව ආණ්ඩුවක් පිහිටුවන්නට මම ක්‍රියා කරනවා.”
කෙසේ වෙතත් පසුගියදා පැවති මාධ්‍ය හමුවක දී සජිත් ප්‍රේමදාස ජනාධිපති ධුරයට පත්වුවහොත් එම රජයේද අගමැතිවරයා තමන් බව රනිල් වික්‍රමසිංහ මාධ්‍යවේදියකු කළ ප්‍රශ්න කිරිමට පිළිතුරු දෙමින් කියා සිටියේය.
නව ව්‍යවස්ථාවක් ගෙන එන බවට පොරොන්දු වු සජිත් ප්‍රේමදාස ජනතාවගේ සෘජු කැමැත්ත ලබා ගෙන මිස එය ක්‍රියාත්මක නොකරන බවට ද වැඩි දුරටත් සහතික විය.
Facebook Comments
