වාර්තා පොත් අලුත් කරමින් ශ්‍රී ලංකාව ජය ගනී

0

සංචාරක සිම්බාබ්වේ කණ්ඩායම සමඟ පැවති ප්‍රථම සහ එකම ටෙස්ට් ක්‍රිකට් තරගය කඩුලු4 කින් ශ්‍රී ලංකා කණ්ඩායම ජය ගත්තේය.

ජයග්‍රහණය සඳහා ලකුණු 388 ක දැවැන්ත ඉලක්කයක් පසුපස හඹා ගිය ශ්‍රී ලංකා කණ්ඩායම 2006 වසරේදී දකුණු අප්‍රිකාවට එරෙහිව කොළඹ ඕවල් ක්‍රීඩාංගනයේදී වාර්තා කරනු ලැබූ ලකුණු 352 ක් ලෙසින් වූ ජයග්‍රාහී ඉලක්කයේ වාර්තාව අභිබවා යාමට සමත්විය.

තරගයේ ජයග්‍රහණය සඳහා අබාධිත තත්වයෙන් යුතුවද පිතිකරණයට එක්වුණු අසේල ගුණරත්න අනගි සේවාවක් කළ අතර ඔහු නොදැවී ලකුණු 80 ක් රස කරගෙන සිටි අතර ඔහුට අනගි සහයක් ලබාදුන් නිරෝෂන් දිවැල්ල ද ලකුණු 81 ක් රැස් කළේය. මිට අමතරව කුසල් මෙන්ඩිස් ලකුණු 66 ක් ලබා ගත්තේය.

මුලින්ම පන්දුවට පහර දුන් සිම්බාබ්වේ පිල සිය ප්‍රථම ඉනිම සඳහා සියල්ලන් දැවී ලකුණු 356 ක් රැස් කළ අතර ඊට පිළිතුරු ලෙස ශ්‍රීලංකාව සියල්ලන් දැවී රැස්කළේ ලකුණු 346 පමණි.

සිය දෙවන ඉනිමේදී සිම්බාබ්වේ කණ්ඩායම සියල්ලන් දැවී ලකුණු 377 රැස්කළේ ජයග්‍රහණය සඳහා දැවැන්ත ලකුණු 388 ක් ශ්‍රී ලංකාවට ලබා දෙමිනි.

Facebook Comments

wedding people