නවකවදය ලබාදීමේ සිද්ධියක් සම්බන්ධයෙන් අත්අඩංගුවට ගත් පේරාදෙණිය විශ්වවිද්‍යාලයේ සිසුන් 15 දෙනා ලබන මස 2 දින දක්වා රක්ෂිත බන්ධනාගාර ගත කල බව පොලිසිය පවසයි.
පේරාදෙණිය- ගලහ මාර්ගයේ පෞද්ගලික නිවසක් තුළ කෘෂි විද්‍යාපීඨයේ පළමු වසරේ සිසුන් 08 දෙනෙකුට දෙවන වසරේ සිසුන් පිරිසක් නවකවදය ලබා දෙන බවට විශ්වවිද්‍යාලයේ විනය පාලකවරයාට තොරතුරක් ලැබී තිබේ
ඒ අනුව විශ්වවිද්‍යාලයේ විනය පාලකවරයා මේ සම්බන්ධයෙන් පේරාදෙණිය පොලීසියට දැනුම්දී ඇති අතර පොලිස් නිලධාරීන් කණ්ඩායමක් විසින් අද (20) උදෑසන වැටලීමක් සිදු කර අදාළ සිසුන් පිරිස අත්අඩංගුවට ගත් බවයි පොලිසිය පවසන්නේ.
අත්අඩංගුවට ගත් සිසුන් අධිකරණයට ඉදිරිපත් කිරීමෙන් අනතුරුව මහනුවර අතිරේක මහේස්ත්‍රාත් රංගනී ගමගේ හමුවට ඉදිරිපත් කල අවස්ථාවේ ඇය විසින් සිද්ධියට සම්බන්ධ සිසුන් රක්ෂිත බන්ධනාගාර ගත කර ඇත.
නවකවදයට ලක්වූ බව කියන සිසුන් රෝහල්ගත කර ඔවුන් සම්බන්ධයෙන් වෛද්‍ය වාර්තාවක් ද ලබා ගත් බවයි පොලිසිය පවසන්නේ.
Facebook Comments
