දෙමළ සිසුන්ට සිංහල භාෂාව ද සිංහළ සිසුන්ට දෙමළ භාෂාව ද ඉගෙනීම අනිවාර්ය කෙරෙන පනතක් පළාත් සභාවට ගෙන ඒමට බලාපොරොත්තු වන බව උතුරු පළාත් ප්‍රධාන අමාත්‍යවරයා පවසයි.
නැගෙනහිර පළාත් සභාව සමග ද සාකච්ඡා කොට අදාළ පනත ගෙන ඒමට බලාපොරොත්තු වන බවයි උතුරු පළාත් ප්‍රධාන අමාත්‍ය සි.වි.විග්නේෂ්වරන් පවසා සිටියේ.
නල්ලූර් හින්දු විද්‍යාලයේ පැවති උත්සවයකට එක්වෙමින් උතුරු පළාත් ප්‍රධාන අමාත්‍ය සි.වී.විග්නේෂ්වරන් මේ බව ප්‍රකාශ කළේය.
සිංහල හා දෙමළ රාජ්‍ය භාෂා වන බැවින් දෙපළාතේ රජයේ සේවකයින්ට ද එම භාෂා ඉගෙනීම අනිවාර්යය කළ යුතු බව ඔහු පෙන්වා දෙයි.
සිංහළ හා දෙමළ භාෂා දැන සිටීම සංහිදියාව වර්ධනයට මෙන්ම සිංහල හා දෙමළ වැසියන් අතර පවතින සැකය සහ අවිශ්වාසය නැති කිරීමට ද හේතු වන බව උතුරු පළාත් ප්‍රධාන අමාත්‍ය සි.වී.විග්නේෂ්වරන් අවධාරණය කර සිටී.
Facebook Comments
