ජාතික ආණ්ඩු යෝජනාවක් පාර්ලිමේන්තුව තුල සම්මත කර ගැනීමෙන් පසු අග්‍රාමාත්‍යවරයාගේ ඉල්ලිම මත අමාත්‍යවරුන් සංඛ්‍යාව වැඩි කිරීමට ජනාධිපතිවරයා කටයුතු නොකළහොත් ඔහුට එරෙහිව ශ්‍රේෂ්ඨාධිකරණයේ මූලික අයිතිවාසිකම් නඩුවක් ගොනු කිරීමට එක්සත් ජාතික පක්ෂ නායකත්වය තීරණය කර තිබේ.
අග්‍රාමාත්‍යවරයා ඉල්ලීමක් කලහොත් අමාත්‍යවරුන් පත් කිරිම සඳහා 19 සංශෝධනය අනුව ජනපති බැඳී සිටින බවත් එසේ පත් නොකළහොත් ශ්‍රේෂ්ඨාධිකරණයේ මූලික අයිතිවාසිකම් නඩුවක් ගොනු කිරීමේ හැකියාවක් ඇති බව එජාපයේ මතය වී ඇත.
එසේ නඩුවක් ගොණු කරනු ලැබුවහොත් එහි තීන්දුව ජනාධිපති සිරිසේනට අවාසි සහගත වන බව ව්‍යවස්ථාව අධ්‍යයනය කල නීති විශාරදයන් දැනටමත් පෙන්වා දී ඇති බවටයි සිරිකොත ආරංචි මාර්ග පවසන්නේ.
ජනාධිපතිවරය විසින් මේ වන විට ව්‍යවස්ථාවට පිටස්තරව අමාත්‍යංශ විෂය පථ පවා අත්පත් කරගෙන සිටින බවත් සම්මුතියෙන් තවදුරටත් ආණ්ඩු කිරීමට සූදානම් නැතිනම් නීතිය හමුවේ ජනාධිපතිගේ වරද තහවුරු කරන්නට කටයුතු කිරීම හැර විකල්පයක් නොමැති බවටයි එජාපයේ අදහස වී ඇත්තේ.
කැබිනට් අමාත්‍ය ධුර සංඛ්‍යාව 48 දක්වා සහ කැබිනට් නොවන අමාත්‍ය ධුර සංඛ්‍යාව 45 දක්වා ඉහළ නංවා ගැනීම සඳහා ජාතික ආණ්ඩු යෝජනාවක් පාර්ලිමේන්තුව තුළ සම්මත කර ගත්තද, වැඩිකර ගන්නා අමාත්‍ය ධුර ගණන ලබා නොදීමට ජනාධිපති තීරණය කර ඇති බවටයි ජනාධිපතිවරයාට සමීප ආරංචි මාර්ග පෙන්වා දෙන්නේ.
Facebook Comments
