මධුෂ් ඇතුළු පිරිස උසාවි දාලා නැහැ, ඇපත් නැහැ

0
1887
wedding people
Loading...

ඩුබායි හිදී අත්අඩංගුවට ගනු ලැබු පාතාල කල්ලි නායකයෙකු හා මත්ද්‍රව්‍ය ඡාවාරම්කරුවෙකු ලෙස නම් කර ඇති මාකඳුරේ මධුෂ් ඇතුළු පිරිස මෙතෙක් එරට අධිකරණයකට ඉදිරිපත් කර නොමැති බව එරටට ගොස් සිටින නීතිඥවරයෙකු පවසනවා.

මෙතෙක් එම පිරිසෙන් කිසිවෙකුටත් ඇප ලබා දීමක් කර නොමැති බව මෙන්ම අත්අඩංගුවට ගත් සියලු දෙනා මේ වන විටත් එරට පොලිසියේ රඳවා ඇති බවට අමල් පෙරේරා වෙනුවෙන් ඩුබායි වෙත ගොස් සිටින නීතිඥ උදුල් ප්‍රේමරත්න සිලෝන් නිව්ස් වෙත පැවසීය.

“ලංකාවේ මීඩියා වල යනවා ඒවා දැක්කම හිනා යනවා. උසාවි දැම්මා කියනවා, ඇප දුන්නා කියනවා. මම මේ දැන් ඉන්නෙත් ඒ කට්ටිය රඳවල තියෙන පොලිසිය ඉස්සරහා. උසාවි දානාවා ඩිටෙන්ෂන් ඕඩර් ගන්නවා ඒ ඔක්කෝම බොරු” යැයි නීතිඥවරයා දුරකතනය ඔස්සේ සිලෝන් නිව්ස් වෙත කියා සිටියේය.

ඩුබායි රාජ්‍යයේ නීතියට අනුව මත්ද්‍රව්‍ය වැනි අපරාධ වලට සම්බන්ධ පුද්ගලයින් කිසිඳු රඳවා ගැනිමේ නියෝගයක් නොමැති අවශ්‍ය තරම් කාලයක් පොලිසිය හට සිය බාරයේ තබා ගැනීමට අවසර ඇති බවයි නීතිඥ උදුල් ප්‍රේමරත්න පවසන්නේ.

එම පිරිස එරට අධිකරණයට ඉදිරිපත් කරන දිනයක් පිළිබඳව සිලෝන් නිව්ස් උදුල් ප්‍රේමරත්න නීතිඥවරයාගෙන් විමසා සිටි අතර එවැනි කිසිඳු දිනයක් ගැන එරට පොලිසිය මෙතෙක් දැනුම් දී නැති බව වැඩි දුරටත් ප්‍රකාශ කළේය.

Facebook Comments

Loading...