මාසයකට වැඩි කාලයක් තිස්සේ අරගලයක නිරත තේ වතුකර කම්කරුවන්ගේ දෛනික වැටුප රුපියල් 1000/- කරන ලෙස වන ඉල්ලීම ඉටුකර දෙන ලෙසට සුපිරි ක්‍රිකට් ක්‍රීඩක මුත්තායියා මුරලිදරන් ජනපතිගෙන් ඉල්ලා තිබේ.
එසේ වුවහොත් ජනාධිපතිවරයාට වතුකරයෙන් යහපත් ප්‍රතිචාර ලබාදීමට තමන් මැදිහත් වන බවට පසුගිය බදාදා රාත්‍රියේ ජනපති හමුවු මුරලිදරන් පොරොන්දු වී ඇත.
ජනාධිපතිවරයා හා මුරලිදරන් පමණක් සහභාගී වූ අතිශය පෞද්ගලික හමුවක් වූ මෙහිදී ඉදිරි ජනාධිපතිවරණයේ වතුකර ඡන්ද හැසිරීම ගැන දීර්ඝ ලෙස සාකච්ඡා කරන ලද බවටයි ජනපතිට සමීප ආරංචි මාර්ග පවසන්නේ.
මුත්තයියා මුරලිදරන් කරන ලද ඉලීලමට මැදිහත් වන බවට ජනාධිපතිවරයා පොරොන්දු වී ඇති අතර ශ්‍රීලනිපයෙන් දේශපාලනයට පැමිණෙන ලෙසට ඔහුට ජනාධිපතිවරයා විසින් ආරාධනා කරන ලද බවටයි වැඩි දුරටත් වාර්තා වන්නේ.
තම සහෝදරයන්ගේ ව්‍යාපාර කටයුතු ගැනද එහිදී මුරලි ජනාධිපති සිරිසේන සමඟ කතාබහ කර ඇති බවත් දැනගන්නට ඇත.
රාජපක්ෂ පාලන සමයේදී ද මුරලිදරන් ඇතුළු ඔහුගේ සහෝදරයන් රාජපක්ෂ පවුලට සමීපව ව්‍යාපාර කටයුතු වල නිරත විය.
Facebook Comments
