ජනතා විමුක්ති පෙරමුණ හිටපු පාර්ලිමේන්තු මන්ත්‍රීවරයෙකු පාර්ලිමේන්තු මන්ත්‍රීවරුන්ගේ විශ්‍රාම වැටුප වැඩි කිරීමට යෝජනාවක් ඉදිරිපත් කර තිබේ.
විශ්‍රාමික මන්ත්‍රීවරයා විසින් පාර්ලිමේන්තුවේ ගෘහ කාරක සභාවට ලිඛිතව මෙම ඉල්ලීම ඉදිරිපත් කර ඇත.
කෙසේ වෙතත් හිටපු මන්ත්‍රීවරුන්ගේ විශ්‍රාම වැටුපට තවත් රුපියල් දස දහසක දීමනාවක් එකතු කිරීම සම්බන්ධයෙන් කැබිනට් මණ්ඩලයට යෝජනාවක් ගෙන ඒමටයි ගෘහ ආර්ථීක සභාව තීරණය කර ඇත්තේ.
තම පක්ෂය නියෝජනය කල හිටපු මන්ත්‍රීවරයා විසින් ඉදිර්පත් කල එම යෝජනාවට තමන් විරෝධය පළ කල බවයි නිහාල් ගලප්පත්ති මන්ත්‍රීවරයා ප්‍රකාශ කරන්නේ.
වසර 5 ක ධුර කාලයක් දැරූ හිටපු මන්ත්‍රීවරයෙකුට විශ්‍රාම වැටුප් ලෙස පාර්ලිමේන්තු මන්ත්‍රීවරයෙකුගේ මුලික වැටුපෙන් තුනෙන් එකක මුදලක් හිමි.
වසර 10 ත් 15 ත් අතර කාලයක් යම් අයෙක් පාර්ලිමේන්තු මන්ත්‍රී ධුරයක් දරා ඇත්නම් ඔහුට හිමිවන විශ්‍රාම වැටුප පාර්ලිමේන්තු මන්ත්‍රීවරයෙකුගේ මුලික වැටුපෙන් තුනෙන් දෙකකි.
Facebook Comments
