ජාතික ගැටලුවට දේශපාලන විසඳුමක් ලබා දීමට සාකච්ඡාවට කරන ලද ආරාධනය දෙමළ ජාතික සන්ධානය පිළිනොගත් බව උතුරට දේශපාලන බලතල ලබා දී යහපාලන රජය රට දෙකඩ කිරීමට උත්සාහ කරන බවට චෝදනා කරන හිටපු ජනාධිපතිවරයකු උතුරේ මැතිවරණ වේදිකාවේ කියා සිටි.
දෙමළ ජාතික සන්ධානය ද යහපාලන රජයේ කොටසක් බව මෙන්ම වෙනම රාජ්‍යයක් දෙන බවට බොරු ප්‍රචාරය කරමින් දෙමළ ජනයා රවට්ටමින් සිටින බවට හිටපු ජනපති කුරුණෑගල දිස්ත්‍රික්ක පාර්ලිමේන්තු මන්ත්‍රී මහින්ද රාජපක්ෂ 01 බ්‍රහස්පතින්දා යාපනයේ පැවති ජන හමුවකදී කියා සිටියේය.
“එයාල මෙහෙට ඇවිල්ලා බොරුවට අපි වෙනම රාජ්‍යයක් දෙනවා. මේක දෙනවා, ඒක දෙනවා කිය කියා හැමදාම තරහ කරගෙන අපිව ඈත් කර ගන්න තමුන්නාසේලා රවට්ටන්න සුදානම් වෙලා ඉන්නවා. මම එතුමට ආරාධනා කළා මාත් එක්ක එන්න සාකච්ඡාවට මේ රටේ දේශපාලන විසඳුමක් ඕනෙ නම් ඒක අපි සාකච්ඡා කරලා කරමු කියලා. මම සුමන්දිරන් මහත්තයා ඇතුලු කණ්ඩායමෙන් අහල එන්නම් කියලා කවදාකවත් ආවේ නැහැ මගේ කාලේ,” යි හිටපු ජනපතිවරයා කියා සිටියේය.
කෙසේ වෙතත්, මහින්ද රාජපක්ෂ ජනාධිපති සමයේ ආණ්ඩුව සමග ජාතික ප්‍රශ්නය සම්බන්ධයෙන් ආණ්ඩුව හා එකඟතාවයකට ඒමට දෙමළ ජාතික සන්ධානය ඉදිරිපත් කළ යෝජනා කිසිවකට රජය ප්‍රතිචාර නොදක්වා සිටීම 2012 පෙබරවාරි 21 දා සාකච්ඡා බිඳ වැටීමට හේතු වුනි.
බලය බෙදා හැරීම සම්බන්ධයෙන් දෙමළ ජාතික සන්ධානය සමග සාකච්ඡා යන අතරවාරයේ සර්ව පාක්ෂික සමුළුවක් පිහිටුවා එයට සහභාගී වන ලෙස ජනාධිපති රාජපක්ෂ කළ බලපෑමට දෙජාස එකඟ නොවුනු අතර නිමල් සිරිපාල සිල්වා සහ ජී ඇල් පීරිස් ගේ නායකත්වයෙන් වූ රජයේ නියෝජිත කණ්ඩායම අවසාන ද්විපාක්ෂික සාකච්ඡා වට තුනට සහභාගී වූයේ නැත.
දෙමළ ජාතික සන්ධානය ප්‍රකාශ කර තිබුනේ සර්ව පාක්ෂික සමුළුවකට යාමට පෙර ආණ්ඩුව ජාතික ප්‍රශ්නය විසඳීම සඳහා වන ස්ථාවරය නිශ්චිතව දැක්විය යුතු බවයි.
Facebook Comments
