යහපාලන බිහි කිරිම උදෙසා ඇති කර ගත් සමගිය කඩ කරන යහපාලන නායකයින් ඉදිරියේදී රටට හෙළිදරව් කරන බවට සුව ඇමැති අනතුරු අඟවා තිබේ.
ජිවිතය පරදුවට තබමින් යහපාලන බිහි කිරීම උදෙසා ගමන නායකයින්ටත් අමතක වී ඇති බව පවසන සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න එම නායකයින් හඳුන්වනු ලැබුවේ ද්‍රෝහීන් ලෙසයි.
“අපි ජිවිතය පරදුවට තපල තමයි මේ ගමන ආවේ. නායකයින්ටත් මේවා අමතක ඇති. එදා තිබුණ සමගිය කවුරු හරි කඩනව නම් ඒ කොයි නායකයද කවුද කියල වැඩක් නැහැ ඒ සියලුම කට්ටිය මම කියනවා ද්‍රෝහීන් කියලා. ඒගොල්ලෝ අපි ගොඩනඟා ගත්ත ව්‍යාපාරයත් ද්‍රෝහීන්, රටටත් ද්‍රෝහීන්. තව ටික දවසක් බලලා කවුද ද්‍රෝහීන් කියලා අපි නම් කරනවා.” යි ඇමැතිවරයා 21 ඉරිදා මිනුවන්ගොඩ හොරම්පැල්ල ප්‍රදේ‍ශයේ ඉදි කරන ලද නව සේවා පියස විවෘත කිරීමට එක්වෙමින් පැවසීය.
ද්‍රෝහීන් බේරා ගැනීමට සිටින පිරිස් බත් බැලයන් ලෙස හැඳින්වු අමාත්‍ය රාජිත සේනාරත්න ඔවුන් හට දේශපාලන අනාගතයක් නැති බව ද කියා සිටියේය.
යහපාලන රජය බිහි කල හොඳ සමාජය ඉස්සරහට යා යුතු බව කී ඇමැතිවරයා “ඒ ගමන යන්න එක එකා කුලල් කා ගෙන හරි යන්නෙ නැහැ. අගමැතිට විරුද්ධව කතා කරන්නවත් ජනාධිපතිට විරුද්ධව කතා කරන්නවත් නෙමෙයි තමන්ගෙ වැඩේ කරන්න.” යැයි අවධාරණය කළේය.
Facebook Comments
