නාධිපතිවරණ පරාජය පිළිබඳව සජිත් ප්‍රේමදාස පාර්ශවයෙන් එල්ල වන චෝදනා වලට එක්සත් ජාතික පක්ෂ නායකයා පිළිතුරු දි තිබේ.
තමා විසින් බාර ගනු ලැබු උතුරු නැගෙනිහිර ඡන්ද ව්‍යාපාරය හොඳින් සිදුව ඇති බැවින් එම ප්‍රදේශ වල ඡන්ද ප්‍රතිශතය වැඩි කිරිමට හැකියාව ලැබුණ බව 22 සිකුරාදා මාධ්‍ය හමුවක් කැඳවමින් රනිල් වික්‍රමසිංහ පැවසීය.
එහෙත් අවාසනාවට දකුණේ ජන්ද ප්‍රමාණය අඩු වු බව පෙන්වා දෙන රනිල් වික්‍රමසිංහ පරාජයට හේතුව එය බවයි සඳහන් කළේ.
“අපේ අවධානයට යොමු වෙන්න උවමනායි මේ පක්ෂයට සිංහල බෞද්ධ පදනම නැති වුන එක. මේක මීට ඉස්සෙල්ලා අපිට සිදු වෙලා නෑ. ඉතින් ඒ ඒ ඒ ගැන විශේෂයෙන්ම අපි හොයලා බැලිය යුතුයි. මේ නිසා අපි අනාගත තීරණ ගන්නවත් සමගම මේ ප්‍රතිඵල ගැන විග්‍රහයක් කරන්න උවමනායි.”
සජිත් ප්‍රේමදාස ජනාධිපති අපේක්ෂකයා වශයෙන් යෝජනා කරනු ලැබුවේ ද තමා විසින් බව පැවසු හිටපු අගමැතිවරයා, ඒ අනුව අනෙක් පක්ෂවල කැමැත්ත මත ජනාධිපතිවරණයට ගිය බවද කියා සිටියේය.
එම යාන්ත්‍රණය හා සිරිකොත එම වැඩකටයුතු කළ බවට තමාට සහතික විය හැකි බව අවධාරණය කරන එජාප නායකයා මැතිවරණය අඩපණ කළා යැයි පැවසෙන චෝදනා තමාගෙන් හෝ තමා විසින් නිර්මාණය කරන ලද යාන්ත්‍රණය තුළින් සිදු නොවුවක් බවයි පවසන්නේ.
පරාජය පිළිබඳව එකිනෙකාට චෝදනා කර සිටීම සාර්ථක වැඩ පිළිවෙලක් නොවන බව පෙන්වා දෙන එජාප නායක රනිල් වික්‍රමසිංහ පක්ෂයට හෝ නිලධාරීන්ට මුල්‍ය කටයුතු පිළිබඳ කිසිදු වගකීමක් නොතිබුණ බව ද සිහිපත් කර දී තිබේ.
පක්ෂයේ අනාගතය ගැන සිතා නව නායකයින් ඉදිරිපත් කිරිමට ඉඩ තැබිය යුතු බව මෙන්ම ඔවුන්ට නව ප්‍රතිපත්ති ඉදිරිපත් කිරීමට අවස්ථාව ලබා දී දිනන නායකත්වයක් බිහි කළ යුතු බවයි එජාප නායක රනිල් වික්‍රමසිංහ වැඩි දුරටත් අවධාරණය කරන්නේ.
Facebook Comments
