කටුනායක ගුවන්තොටුපලේදී අත්අඩංගුවට පත් වු පාර්ලිමේන්තු මන්ත්‍රී නාමල් රාජපක්ෂගේ පෞද්ගලික ලේකම්වරියක ලෙස කටයුතු කල නිතිඥ බටපොළ ආරච්චිගේ ඔරනෙලා ඉරේෂා සිල්වා හට අධිකරණය ඇප නියම කර තිබේ.
විත්තිකාරියට ඇප දිම සම්බන්ධයෙන් නිතිපතිවරයා විරුද්ධත්වයක් නොදැක්වීම හේතුවෙන් රුපියල් ලක්ෂ පහක මුදල් සහ ලක්ෂ 50 ක් වටිනා ශරීර ඇප මත මුදා හැරිමට කොළඹ මහාධිකරණ විනිසුරු පියසේන රණසිංහ නියෝග කළේය.
ඇයගේ විදේශ ගමන් බලපත්‍රයද අධිකරණය බාරයට ගෙන ඇති අතර සෑම මසකම අවසන් ඉරිදා මූල්‍ය අපරාධ විමර්ශන කොට්ඨාසයේ පෙනී සිටින ලෙසද නියෝග කර ඇත.
පාර්ලිමේන්තු මන්ත්‍රී නාමල් රාජපක්ෂගේ පෞද්ගලික ලේකම්වරියක ලෙස කටයුතු කල නීතිඥවරියක් පොලිස් මුල්‍ය අපරාධ විමර්ශන කොට්ඨාශය (FCID) අත්අඩංගුවට ගෙන ඇත.
ඩුබායි සිට පැමිණි බටපොළ ආරච්චිගේ ඔරනෙලා ඉරේෂා සිල්වා කටුනායක ගුවන් තොටුපලේදී ගුවන් යානයටම ගොස් අත්අඩංගුවට ගත් බව පොලිසියි පවසයි.
සිමාසහිත ගවර්ස් කොපරේෂන් සර්විසස් පුද්ගලක සමාගමට හා පාර්ලිමේන්තු මන්ත්‍රී නාමල් රාජපක්ෂට එරෙහිව පවරා ඇති නඩුවක විත්තිකාරියක ලෙස ඔරනෙලා අත්අඩංගුවට ගැනීමට වරෙන්තු නිකුත්කර තිබු අතර ඒ අනුව ඇය අත්අඩංගුවට ගෙන තිබේ.
නීතිඥ ඔරනෙලා සීමාසහිත ගවර්ස් කොපරේෂන් සර්විසස් පුද්ගලක සමාගමේ නාම මාත්‍රික අධ්‍යක්ෂවරිය සහ ඇය අදාළ සමාගමේ නීති නිලධාරිනිය බවද කියවේ.
සිමාසහිත ගවර්ස් කොපරේෂන් සර්විසස් පුද්ගලක සමාගමට අදාළ නඩුව 10 අඟහරුවාදා මහාධිකරණයේ විභාගයට ගැනීමට නියමිතව ඇත.
Facebook Comments
