නව ව්‍යවස්ථාවට සහය දෙනවා – ටිල්වින් සිල්වා (VIDEO)

0
1232
Ivory Agency Sri Lanka
wedding people
Loading...

යෝජිත නව ව්‍යවස්ථා සංශෝධනය සඳහා තම සහාය ලබා දෙන බව ජනතා විමුක්ති පෙරමුණ පවසයි.

ධනපති ක්‍රමය තුළ නිර්මාණය වන ව්‍යවස්ථාව හරහා ජනතාවගේ සියලු ප්‍රශ්න වලට පිළිතුරු නොලැබුනද ජනතාවට කිසියම් අයිතිවාසිකම් ප්‍රමාණයක් දිනා ගත හැකි නම් ඒ සඳහා තම සහාය ලබා දෙන බවයි එම පෙරමුණේ ප්‍රචාරක ලේකම් ටිල්වින් සිල්වා පවසන්නේ.

බුද්ධාගමට හිමි තැන අහිමි වන බව කියමින් මහින්ද රාජපක්ෂ කණ්ඩායම ව්‍යවස්ථාවට එරෙහිව ගෙන යන විරෝධය විවේචනයට ලක් කල ප්‍රචාරක ලේකම්වරයා ආණ්ඩුව බුද්ගාමට හිමි තැන මෙන්ම අනෙකුත් ආගම් සඳහා ඇති අවස්ථා ද වෙනස් නොකරන බවට දී ඇති පොරොන්දුව සිහිපත් කළේය.

“ඒකීය ද සන්ධිය ද අල්ලගෙනත් දැන් විවිධ සාකච්ඡා පටන් අරන් තියෙනවා නමුත් මේ සඳහා විවිධ යෝජනා තියෙනවා මිසක් තවමත් කිසිවක් අවසන් වෙච්ච අදහසක් නෙමෙයි තියෙන්නේ” යි හෙතෙම කියා සිටියේ 08 ඉරිදා යාපනයේ පැවති මාධ්‍ය හමුවකදීය.

මඟ නොහැරිය යුතුයි

පාර්ලිමේන්තු සාකච්ඡා කර ජනතා අදහස්ද ලබා ගනිමින් ජනමත විචාරණයක් හරහා සම්මත කිරිමට සුදානම් වන පලමු ව්‍යවස්ථාව මෙය බව කී ටිල්වින් සිල්වා එම හේතුවෙන් ජාතිවාදි නොවන සියලු දෙනා පොදු එකඟතාවයට පැමිණි සහය දිය යුතු බව ප්‍රකාශ කළේය.

අනෙකුත් පක්ෂ සමඟද නව ව්‍යවස්ථාව පිළිබඳව සාකාච්ඡා කල බව කී ප්‍රචාරක ලේකම්වරයා ඔවුන්ද මෙම අවස්ථාව මඟ නොහැර ජනතාවට දිනා ගත හැකි අයිතිවාසිකම් වෙනුවෙන් සටන් කල යුතු බවට යෝජනා කල බව කියා සිටියේය.

තවමත් ගැටලු

විධායක ජනපති ක්‍රමය අහෝසි කිරීම, නව මැතිවරණ පනත හා උතුරේ ජනතාවගේ අයිතිවාසිකම් ලබාදීම පිළිබඳව නව ව්‍යවස්ථාව හරහා වැඩි අවධානය යොමු කර ඇති බව පෙන්වා දෙන ටිල්වින් සිල්වා නව මැතිවරණ ක්‍රමයට සියලු දෙනා එකඟ වුවද විධායක ජනපති ක්‍රමයට සහ ජනාතාවට අයිතිවාසිකම් ලබා දීම මානව හිමිකම් ආරක්ෂා කිරිම සම්බන්ධව තවමත් විවිධ ගැටලු ඇතිව තිබෙන බව අනාවරණය කළේය.

ජාතිවාදි අන්තයේ සිට ව්‍යවස්ථා ප්‍රශ්නයට ප්‍රවේශ නොවී මේ මොහොතේදී ජනතාවට වැඩිම අයිතිවාසිකම් දිනා ගැනීමට මැදිහත් විය යුත්තේ කෙසේද යන්න සාකච්ඡා කර එ් සඳහා වැඩ කල යුතු බවයි ජනතා විමුක්ති පෙරමුණේ ප්‍රචාරක ලේකම් ටිල්වින් සිල්වා පෙන්වා දෙන්නේ.

Facebook Comments

Loading...