යුක්තිය නොලබාම මිය ගිය දෙමළ අම්මාවරු

0

අතුරුදහන් තම සමීපතමයන් සොයා ගනු පිණිස දින 200 ඉක්මවා අඛන්ඩ සත්‍යග්‍රහයක නිරතව සිටින දෙමළ අම්මාවරුන් අතරින් පස් දෙනකු යුක්තිය නොලබාම මිය ගොස් ඇති බව යුරෝපා සංගමය අනාවරණය කරයි.

වරණීය බදු සහනය (GSP +) ට ලා තිබු තහංචි ඉවත් කිරීමෙන් අනතුරුව ශ්‍රී ලංකාව අත් කරගෙන තිබෙන ප්‍රගතිය අධීක්ෂණයට පැමිණ සිටින යුරෝපා සංගම් නියෝජිත පිරිසක් මෙම හෙළිදරව්ව කර ඇත්තේ අතුරුදහන් වූවන්ගේ ඥාතීන් කිලිනොච්චියේ දී හමුවීමෙන් අනතුරුවය.

ශ්‍රී ලංකාවේ යුරෝපා සංගම් කාර්යාලය සමාජ මාධ්‍ය ජාල ඔස්සේ නිකුත් කළ නිවේදනයකින් “තමන්ගේ සමීපතමයන්ට අත්වූ ඉරණම කුමක්දැයි ආණ්ඩුව ඥාතීන් ට හෙළි කළ යුතුය,” යි අවධාරණය සිටී.

අවසන් යුද සමයේ හමුදා සේනාංක වෙත බාර දුන් තම සමීපතමයන්ගේ නම් ලැයිස්තුව ලබා දෙන බවට ජනාධිපතිවරයා දුන් පොරොන්දුව කඩ කළ බවට එම ඥාතීන් ජනාධිපතිවරයා හමුවිමෙන් පසුව කම්පාවෙන් යුතුව සිලෝන් ජර්නල්ස් හා කියා සිටියේය.

අතුරුදහන් වූවන් සොයා දෙන ලෙස ඉල්ලා කිලිනොච්චියේ දියත් කර ඇති සත්‍යග්‍රහයට දින දෙසීයක් පිරෙද්දී ජනාධිපතිවරයාගේ කැඳවීමෙන් කොළඹ ගිය අතුරුහන් වුවන්ගේන් ඥාතීන් හට ජනාධිපතිවරයා දැනුම් දී ඇත්තේ උතුරේ යුද්ධයේ අවසන් සමයේ බාර වු අයගේ ලැයිස්තුවක් තමන් සතුව නැති වග හමුදාපතිවරුන් පැවසු බවයි.

නොවැම්බරයේ ශ්‍රී ලංකාවට පැමිණි එක්සත් ජාතීන්ගේ ක්‍රියාකාරී කමිටුවේ විශේෂඥ මණ්ඩලයට ශ්‍රී ලංකාවේ මානව හිමිකම් ක්‍රියාධාරීන් වාර්තා කළ පරිදි ආගිය අතක් නොමැති පුද්ගලයන් 22,000 කට වැඩි දෙනකුගේ තොරතුරු දේශීය වශයෙන් ලේඛණ ගතවී ඇත.

කෙසේ නමුත්, පසුගිය සමයේදී පුද්ගල අතුරුදහන් වීම් 65000ක් පමණ සිදුව ඇති බවට අතුරුදහන් වූවන් පිළිබඳ කාර්යාලය පිහිටුවීමේ (OMP) කෙටුම්පත අනුමත කරමින් ශ්‍රී ලංකාවේ රජය විසින් පිළිගෙන තිබුනි.

Facebook Comments

wedding people