ජනපති අතුරුදහන් වුවන්ගේ ඥාතීන්ට දුන් “පොරොන්දු කඩලා”

0

අවසන් යුද සමයේ හමුදා සේනාංක වෙත බාර දුන් තම සමීපතමයන්ගේ නම් ලැයිස්තුව ලබා දෙන බවට ජනාධිපතිවරයා දුන් පොරොන්දුව කඩ කළ බව එම ඥාතීහු පවසති.

බාර දුන් අයගේ නම් ලැයිස්තු තමන් සතුව නොමැති බවට හමුදාපතිවරුන්ගෙන් කළ විමසීමකදී පැවසු බවයි ජනාධිපතිවරයා විසින් 06 බදාදා පැවති හමුවකදී අතුරුදහන් වුවන්ගේ ඥතීන්ට දැනුම් දී ඇත්තේ.

යුද්ධය අවසානයේ හමුදාවට බාර වීමෙන් සහ බාර දීමෙන් පසු අතුරුදහන් වුවන්ගේ ලේඛනය ආරක්ෂක මණ්ඩලයෙන් ඉල්ලා ඉදිරිපත් කිරිමට මීට තුන් මසකට ඉහතදී යාපනයේදී අතුරුදහන් වුවන්ගේ ඥාතින් හමු වු අවස්ථාවේ ජනාධිපතිවරයා පොරොන්දු වී තිබුණි.

ජනාධිපතිවරයාගේ කැඳවීමට අනුව අතුරුදහන් වුවන්ගේ ලේඛනය බලාපොරොත්තුව ඇතිව ජනපති හමුවීමට පැමිණියද තම සියලු බලාපොරොත්තු සුන් වු බව එම හමුවෙන් පසු ත්‍රිකුණාමලය අතුරුදහන් වුවන්ගේ සංගමයේ සභාපතිනි එන්. ආශා සිලෝන් ජර්නල්ස් වෙත කියා සිටියේය.

කෙසේ වෙතත් ජනාධිපතිවරයා අතුරුදහන් වුවන් සම්බන්ධව කළ ප්‍රකාශ සම්බන්ධව කණගාටු වන බව සභාපතිනිය වැඩි දුරටත් පැවසුවාය.

අතුරුදහන් වුවන්ගේ ඥාතීන්ගේ නියෝජිතයන් මුණගැසීමට ජනාධිපති ලේකම් ඔස්ටින් ප්‍රනාන්දු, ජාතික ඒකාබද්ධ හා සංහිදියා අමාත්‍යාංශ ලේකම්වරයා ඇතුළු නිලධාරීන් ද පැමිණ සිටි බව ජනාධිපති මාධ්‍ය ඒකකය ප්‍රකාශයට පත් කර තිබුනද එහිදි සාකච්ඡා වු කිසිවක් වාර්තා කර නොතිබුණි.

Facebook Comments

wedding people