සිල් රෙදි බෙදු ලලිත් හා අනුෂ බරපතල වැඩ ඇතිව හිරගෙට

0

හිටපු ජනාධිපති ලේකම් ලලිත් වීරතුංගට හා විදුලි සන්දේස කොමිසම් සභාවේ හිටපු අධ්‍යක්ෂ ජනරාල් අනුෂ පැල්පිට හට බරපතළ වැඩ සහිත වසර තුනක සිර දඩුවමක් පැනවීමට කොළඹ මහාධිකරණය නියෝග කර තිබේ.

2015 වසරේ ජනාධිපතිවරණ සමයේ දී විදුලි සන්දේශ නියාමන කොමිසම් සභාවේ රුපියල් මිලියන 600 ක මුදලක් අවභාවිත කර දිවයින පුරා ඇති විහාරස්ථාන වලට සිල් රෙදි බෙදා දීමේ සිදුවීමට අදාළ නඩුවේ තීන්දුව ප්‍රකාශයට පත් කරමින් 07 බ්‍රහස්පතින්දා මහාධිකරණ විනිසුරු ගිහාන් කුලතුංග මෙම නියෝගය පැනවීය.

ඒ අනුව එක් වරදකට වසර එක හමාර බැගින් වු වරද දෙකක් සඳහා වසර 3ක සිර දඩුවමක් හා එක් වරදකරුවෙක් සඳහා රුපියල් ලක්ෂ 20 බැගින් වු දඩ මුදලක් ද මහාධිකරණය විසින් නියම කර ඇත.

අනුෂ පැල්පිට පළමු හා දෙවන වරද සඳහාත් ලලිත් වීරතුංග දෙවන හා තෙවන වරද යටතේත් වරදකරුවන් බව තීරණය කල අධිකරණය මෙම සිර දඩුවම නියම කිරීමට තීරණය කර කළේය.

එමෙන්ම දෙවන හා තුන්වන වරද සඳහා රුපියල් ලක්ෂ 50 බැඟින් වරදකරුවන් දෙදෙනාට ලක්ෂ 100 ක වන්දි මුදලක් විදුලි සංදේශන නියාමන කොමිසමට ගෙවීමට නියම කළ අතර එය සැප්තැම්බර් මස 20ට පෙර ගෙවන ලෙස මහාධිකරණය විසින් නියෝග කර ඇත.

 

Facebook Comments

wedding people