රට තුළ ප්‍රජාතන්ත්‍රවාදය ස්ථාපිත කර ඇති බැවින් අළුත් තරුණ පරපුරට රට බාර දිය යුතු බව අගමැතිවරයා ප්‍රකාශ කර තිබේ.
ඊළඟ පරම්පරාවට ණය බර තියෙන ආර්ථිකයක් නොව ණය ගෙවන්න පුළුවන් ආර්ථිකයක් සෑදීම තම ඉල්ලකය වු බව එක්සත් ජාතික පක්ෂ නායක අගමැති රනිල් වික්‍රමසිංහ පක්ෂයේ 72 වන සංවත්සර සභාව අමතමින් කියා සිටියේය.
“අමාරු තීරණ ගන්න වුණා. වැට් වැඩි වුණා.හැම දේම කළේ රට වෙනුවෙන්. ඊළඟ පරම්පරාවට ණය බර තියෙන ආර්ථිකයක් නොවේ ණය ගෙවන්න පුළුවන් ආර්ථිකයක් හදන්නයි ඉලක්ක කළේ.” යැයි අගමැතිවරයා 06 බ්‍රහස්පතින්දා සිරිකොත දී ප්‍රකාශ කළේය.
ගම්පෙරළිය සහ එන්ටර්ප්‍රයිස් ශ්‍රී ලංකා වැඩසටහන් යටතේ ආර්ථිකය ගොඩ නංවමින් රැකියා ගැටලුවට විසඳුම් ලබා දීමට පියවර ගත් බවද රනිල් වික්‍රමසිංහ අගමැතිවරයා පෙන්වා දුන්නේය.
ඒකාබද්ධ විපක්ෂය පැවැත්වු විරෝධතාවය පිළිබඳව අදහස් දැක්වු අගමැති රනිල් වික්‍රමසිංහ “උද්ඝෝෂණයක් කරන්න බැරි අය රට කරන්නේ කොහොමද?” යි වැඩි දුරටත් ප්‍රශ්න කළේය.
Facebook Comments
