රනිල් අගමැති කර යළි ආණ්ඩුව පිහිටුවන්නැයි සජිත් ජනපතිගෙන් ඉල්ලයි

0
1317
Ivory Agency Sri Lanka
wedding people
Loading...

ශ්‍රී ලංකාව වර්තමානයේ මුහුණ දී සිටින දේශපාලන අර්බුදයෙන් ගලවා ගැනීමට රනිල් වික්‍රමසිංහගේ අගමැති කමින් ආණ්ඩුව නැවත පිහිටුවන ලෙසට සජිත් ප්‍රේමදාස ජනාධිපතිවරයාගෙන් ඉල්ලා සිටී.

“බහුතරය දී තිබෙන තීන්දුව ක්‍රියාත්මක කිරීමේ හැන්ද ඇත්තේ අතිගරු ජනාධිපතිතුමා අතේ,” යි සජිත් ප්‍රේමදාස මන්ත්‍රීවරයා ප්‍රකාශ කළේ ජනාධිපති මෛත්‍රීපාල සිරිසේන විසින් පාර්ලිමේන්තුව විසුරුවා හැරීම අභියෝගයට ලක් කරමින් ගොනු කර ඇති පෙත්සම් ශ්‍රේෂ්ඨාධිකරණය විසින් විභාග කෙරෙනු දැකබලා ගැනීමට පැමිණි අවස්ථාවේය.

විසඳීමකින් තොරව මාසයකට වැඩි කලක් ඇදෙමින් පවතින අර්බුදකාරී දේශපාලන වාතාවරණය “ශෝචනීය තත්වයක්, ඓතිහාසික ඛේදවාචකයක්” ලෙස හැඳින්වූ එජාප නියෝජ්‍ය නායක සජිත් ප්‍රේමදාස මන්ත්‍රීවරයා “ලක්ෂ 220 ක ජනතාව තඹ සතයකට වත් ගණන් ගන්නේ නොගෙන” ආයෝජකයන් හා කර්මාන්තකරුවන් ශ්‍රී ලංකාව හැර යන බවට කනගාටුවට පත්විය.

ජනාධිපති වරයා කෙරේ විශ්වාසය තහවුරු වන්නේ “කියන දේ කෙසේ වෙතත් හැමදේම ඇස් ඉදිරිපිට ක්‍රියාවට නැංවීම” අනුව යැයි සජිත් ප්‍රේමදාස මන්ත්‍රීවරයා වැඩි දුරටත් ප්‍රකාශ කළේය.

අගමැතිවරයකු ලෙස මහින්ද රාජපක්ෂ කෙරේ විශ්වාසය කඩ වී ඇති බව මේ වන විට දෙවතාවක්ම මන්ත්‍රීවරුන් බහුතරයක් විසින් ප්‍රකාශයට පත් කර ඇතත්, ජනාධිපති වරයා එම පාර්ලිමේන්තු තීරණය පිළිගැනීම තදින් ප්‍රතික්ෂේප කර තිබේ.

Facebook Comments

Loading...