පළාත් පලාන මැතිවරණ පරාජයෙන් පසු යහපාලන රජය දිගටම පවත්වා ගෙන යාම සඳහා සිදු කරන ලද කැබිනට් සංශෝධනයේදී කැබිනට් ඇමැතිවරුන් හය දෙනෙකු රාජ්‍ය අමාත්‍යවරුන් තුන් දෙනෙකු හා එක් නියෝජ්‍ය අමැත්‍යවරයෙකු පත් කරන ලද බව ජනාධිපති මාධ්‍ය ඒකකය පවසයි.
මෙවර සිදු වුයේ යහපාලන රජය නියෝජනය කරන එක්සත් ජාතික පක්ෂයට අදාළ සංශෝධන කිහිපයක් බැවින් ඉදිරි දින කිහිපය තුල එක්සත් ජනතා නිදහස් සන්ධානයේ ඇමැති ධුර කිහිපයක් ද සංශෝධනය කරන බවට ජනාධිපතිවරයා මෙම අවස්ථාවේ දී පවසා ඇත.
පළාත් පාලන මැතිවරණයේ ප්‍රතිඵලය සලකා බලා මෙම සංශෝධන කල බව කී ජනපති මෛත්‍රීපාල සිරිසේන ඇතැම් අමාත්‍යංශයන් හි විෂය පථයන්ද වෙනස් වන බවයි පෙන්වා දුන්නේ.
ජනාධිපති ලේකම් කාර්යාලයේදී 25 ඉරිදා ජනපති මෛත්‍රීපාල සිරිසේන විසින් සිදු කරන ලද කැබිනට් සංශෝධනයේදී නීතිය හා සාමය ආමත්‍ය ධුරය අගමැති රනිල් වික්‍රමසිංහ අත පත් කර ඇත.
ඊට අමතරව ලක්ෂ්මන් කිරිඇල්ල රාජ්‍ය ව්‍යවසාය හා මහනුවර සංවර්ධන ඇමැතිවරයා ලෙසත්, කබිර් හෂිම් උසස් අධ්‍යාපන හා මහාමර්ග අමාත්‍යවරයා ලෙස මෙන්ම සාගල රත්නායක තරුණ කටයුතු හා දක්ෂිණ සංවර්ධන අමාත්‍යවරයා ලෙස දිවුරුම් දී ඇති අතර විදුලි සංදේශ,ඩිජිටල් යටිතල පහසුකම් හා විදේශ රැකියා අමාත්‍ය ධුරය හරින් ප්‍රනාන්දු හට සහ රවීන්ද්‍ර සමරවීර තිරසාර සංවර්ධන හා වනජිවී අමාත්‍යවරයා ලෙස ජනාධිපතිවරයා ඉදිරියේ දිවුරුම් දී තිබේ.
පියසේන ගමගේ තරුණ කටයුතු හා දක්ෂිණ සංවර්ධන රාජ්‍ය අමාත්‍යවරයා ලෙස පත් වී ඇති අතර හර්ෂ ද සිල්වා ජාතික ප්‍රතිපත්ති ආර්ථික කටයුතු රාජ්‍ය ඇමැති ලෙස දිවුරුම් දී ඇත.
අජිත් පී පෙරේරා බන්ධනාගාර ප්‍රතිසංස්කරණ, මත්ද්‍රව්‍ය නිවර්ණ හා ප්‍රජා විශෝධන රාජ්‍ය ඇමැති ලෙස දිවුරුම් දුන් බවයි ජනාධිපති මාධ්‍ය ඒකකය පවසන්නේ.
මේ අතර ජේ.සි අලවතුවල ස්වදේශ කටයුතු නියෝජ්‍ය අමාත්‍ය ධුරයට පත් කල බව ද ජනපති මාධ්‍ය අංශය වැඩි දුරටත් නිවේදනය කරයි.
Facebook Comments
