පසුගියදා දියතලාව, කහගොල්ල ප්‍රදේශයේ දී බස් රථයක් තුළ සිදු වූ පිපිරීම සම්බන්ධව සොයා බැලීම සඳහා යුද හමුදා නිලධාරින්ගෙන් සමන්විත මුලික පරික්ෂණ උසාවියක් යුද හමුදාපති ලුතිනන් ජෙනරාල් මහේෂ් සේනානායක විසින් පත් කර ඇත.
යුද හමුදා ජ්‍යෙෂ්ඨ නිලධාරීන් ඇතුලු සාමාජිකයින් හයදෙනෙකුගෙන් මුලික පරික්ෂණ උසාවිය සමන්විත බවයි යුදා හමුදාව නිවේදනය කරන්නේ.
මෙම මූලික පරික්ෂණ උසාවි වාර්තාව ඉතා කෙටි කාලයක් තුළ දී යුද හමුදාපතිවරයාට ලබාදීමට නියමිතව ඇති බව ද යුද හමුදාව පවසයි.
මධ්‍යම ආරක්‍ෂක සේනා ආඥාපති මේජර් ජෙනරාල් රුක්මාල් ඩයස් සහ සන්නද්ධ බුද්ධි බලකායේ කර්නල් සේනා විධායක ධ්‍යම ආරක්‍ෂක සේනා මූලස්ථාන බ්‍රිගේඩියර් පාලන හා භට කාර්ය සම්පාදන බ්‍රිගේඩියර් ඊ.ආර්.පී වීරවර්ධන, ප්‍රගුණ හා සැඟවුණු වෙඩික්කරු පුහුණු පාසලේ සේනාවිධායක බ්‍රිගේඩියර් පී.එම්.එල් චන්ද්‍රසිරි, ශ්‍රී ලංකා යුද්ධ හමුදා පුහුණු අණසක හි කර්නල් ප්‍රධාන මාණ්ඩලික කර්නල් පී.පී.ඒ පෙරේරා, 7 වන ශ්‍රී ලංකා සංඥා බලකායේ අණදෙන නිලධාරි ලුතිනන් කර්නල් එච්.ඩී.ජේ.පී. වීරතුංග සහ පර්යේෂණ හා සංවර්ධන මධ්‍යස්ථානයේ, න්‍යෂ්ඨික ජෛව හා රසායනික අංශයේ පර්යේෂණ නිලධාරි මේජර් එන්.ඒ.බී.එම්.එස් නිශ්ශංක මෙහි සාමාජිකයන් ලෙස කටයුතු කරන බවයි යුද හමුදාව වැඩි දුරටත් නිවේදනය කරන්නේ.
Facebook Comments
