බොලිවුඩයේ ශ්‍රිදේවිය දිවි සිනමාවට සමුදෙයි

0

දශක පහකට ආසන්න කාලයක් ඉන්දීය සිනම පෝෂණය කල බොලිවුඩයේ සුපිරි නිළියකය වු ශ්‍රීදේවි කපූර් අභාවප්‍රාප්ත විය.

හෘදයාබාධයකට ලක්ව ඇය මිය යන විට 54 හැවිරිදි වියේ පසු වු බවයි ඇයගේ පවුලේ උදවිය පවසන්නේ.

වයස අවුරුදු හතරේ සිටම ඇය දෙමළ, තෙලුගු, මලයාලම්, කන්නඩ මෙන්ම හින්දි භාෂාවලින් නිමවුණු චිත්‍රපටවලට එක්වූවාය.

ප්‍රධාන නළුවකුගේ සහායකින් තොරව සිනමා පටයක් අති සාර්ථක තලයට ඔසවා තැබිය හැකි වූ අතලොස්සක් වූ ඉන්දීය සිනමා තාරකාවන් අතර ශ්‍රීදේවි හට ප්‍රමුඛ ස්ථානයක් හිමි වි තිබුණි.

සිය සිනාම දිවිය තුල චිත්‍රපට 150 පමණ දායක වී ඇති ශ්‍රීදේවි ඉන්දීය රජය විසින් සිවිල් පුද්ගලයෙකුට පිරිනමනු ලබන සිව්වෙනි ඉහළම සම්මානය වන පද්මශ්‍රී සම්මානයෙන් 2013 වසරේදී පිදුම් ලැබුවාය.

ඇය ඩුබායි හිදී අවසන් සුසුම් හෙළුවේ පවුලේ මංගලෝත්සවයකට සහභාගීවෙමින් සිටිය දී වන අතර ඇගේ සැමියා වූ බොනී කපූර් මෙන්ම දියණිය ඛුෂි ද ශ්‍රීදේවිගේ අවසන් මොහොතේ ඈ අසලින්ම සිටි බවයි ඉන්දීය මාධ්‍ය වාර්තා කරන්නේ.

Facebook Comments