එජා මහකොමසාරිස් බැෂලේට දෙමළ පීඩිත විරෝධය

0

ශ්‍රී ලංකාවේ මානව හිමිකම් තත්ත්වය පිළිබඳව එක්සත් ජාතීන්ගේ මානව හිමිකම් කොමසාරිස්වරිය විසින් සකසා ඇති වාර්තාව ගැන විරෝධය පලකරන සංදේශ දෙකක් දෙමළ පීඩිතයන් විසින් මහ කොමසාරිස්වරියට යවා තිබේ.

ආණ්ඩුවට “දැඩි ලෙස පක්ෂපාතී වෙමින්” සකාසා ඇති බවට චෝදනා ලද වාර්තාව ගැන රට තුළ මෑතදීත් හිංසනයට ගොදුරු වී පලා විත් විදේශගතව සිටින පිරිසක් සහ උතුරුකරේ වෙසෙන අතුරුදහන් කරනු ලැබුවන්ගේ ඥාතීන් සමූහයක් විසින් වෙත තම වේදනාව හා කෝපය මහ කොමසාරිස් මිචෙල් බැෂලේ වෙත යවා ඇත.

ඉකුත් වසර තුළ ශ්‍රී ලංකාවේ මානව හිමිකම් චර්යාව අලලා මහකොමසාරිස්වරිය විසින් නිකුත් කරන ලද අලුත්ම වාර්තාවේ රට තුළ අදත් සිදුවන වධබන්ධන ගැන සඳහන් නොකිරීම ගැන මහත් කනගාටුව පලකරන ලිපියක් ලියන විදේශගත පීඩිතයෝ සිය කඳුළැල් සහ තුවාල කැළැල් සියැ’සින්ම දැක බලාගැනීමට පැමිණෙන ලෙස ඇය කැඳවා සිටිති.

ලිපියට අත්සන් තබා ඇති එක් අයකු අත් අඩංගුවේදී වධ හිංසාවට ගොදුරුවී ඇත්තේ මේ මාසයේදීය.

වාර්තාවේ දෙතැනක පමණක් ශ්‍රී ලංකාවේ ‘අතීත’ වධබන්ධන පිළිබඳව සඳහන් කරන ඇය පසුගිය වසරේදී ආරක්ෂක අංශ විසින් වධහිංසාවට පාත්‍ර කරන ලද්දවුන් ගැන එහි නොකියයි..

“එක්සත් ජාතීන්ගේ මානව හිමිකම් මණ්ඩලයට ඔබ විසින් මේ සතියේ දෙන ලද වාර්තාව [A/HRC/43/19] අපට මහත් වේදනාවක් හා සන්තාපයක් ගෙන දුන්නකි; ඔබ විසින් අප ඉතිහාසයෙන් මකා දමා තිබේ,” යි විදේශගතව සිටින වද වින්දිතයන් හතලිස් දෙනකු මානව හිමිකම් ප්‍රධානී වෙත යවන ලද කම්පා සහගත සංදේශයේ දැක්වේ.

මානව හිමිකම් මණ්ඩලයට වසරකට ඉහතදී ලබා දුන් වාර්තාවෙන් මහකොමසාරිස් බැෂලේ අවධාරණය කළේ බරපතල මානව හිමිකම් උල්ලංඝන නොකඩවා සිදුවන බවයි.

එහෙත්, තවමත් සිදුකෙරෙන මානව හිමිකම් උල්ලංඝනවලින් පීඩාවට පත්වන්නන් ලෙස දෙමළ ජනතාව පිළිබඳව මහකොමසාරිස්වරිය මෙවර වාර්තා නොකිරීම උතුරේ අතුරුදහන් කරනු ලැබුවන්ගේ ඥාතීන්ගේ දැඩි කෝපයට හේතුවී තිබේ.

“බරපතල මානව හිමිකම් උල්ලංඝනවලට ගොදුරු වන පීඩිතයන්ගේ දෙමළ අනන්‍යතාව වාර්තාවෙන් මකා දැමීම විශේෂිතය,” යි අතුරුදහන් වුවන්ගේ ඥාතීන් 85 දෙනකු විසින් අත්සන් තබා ඇති සංදේශය සඳහන් කර ඇත.

ජිනීවා නුවර පැවැත්වෙන එක්සත් ජාතීන්ගේ මානව හිමිකම් මණ්ඩලයේ 43 වැනි සැසිවාරයට ගතවූ අවුරුද්දේ ශ්‍රී ලංකාවේ සංහිඳියාව, වගවීම සහ මානව හිමිකම් පිළිබඳ විශේෂ වාර්තාවක් ඉදිරිපත් කළ මහ කොමසාරිස් මිචෙල් බැෂලේ ද සිය මාතෘභුමිය වූ චිලියේදී වධහිංසාවට ගොදුරු වූ තැනැත්තියකි. පසුව ඇය එරට ජනාධිපති ධුරයට තේරී පත්වූ ප්‍රථම කාන්තාව ලෙස වාර්තාවක් ද තැබුවාය.

Facebook Comments

wedding people