ජනාධිපතිවරයා විසින් තම අගමැති සොහොයුරා එම ධුරයෙන් ඉවත් කිරීමට කුරුමානම් බලමින් සිටින බවට මුල් පෙලේ වාමාංශික නායකයෙක් අනාවරණය කර තිබේ.
තම හිතුමනාපයට බලය භාවිතා කරමින් මිලිටරි පාලනයක් ඇති කිරීමට ගෝඨාභය රාජපක්ෂ ජනාධිපතිවරයා හට අගමැති මහින්ද රාජපක්ෂ බාධාවක් වී ඇති බවයි නව සම සමාජ පක්ෂ නායකයා පෙන්වා දෙන්නේ.
“තමන්ගේ බලය අනිසි ලෙස පාවිච්චි කරමින් හමුදා පාලනයක් ඇති කිරීමට තමයි ගෝඨාභය කටයුතු කරමින් යන්නේ. ඔහුට එක විදියකට අගමැති විදියට තමන්ගේ අයියා සිටිමත් බාධාවක් ඔහුත් එක්ක එකඟව වැඩ කර ගෙන ගියත් ඔහුගේ කුරුමානම තියෙන්නේ තමන්ට මීට වඩා හොඳට සමීපයෙන් වැඩ කල හැකි අගමැතිවරයෙක් ලබා ගැනීම කියන එක තමයි පෙන්නට තිබෙන්නේ.”
ගෝඨාභය රාජපක්ෂ විසින් පාර්ලිමේන්තුවේ හෝ අනුමැතියක් නොමැතිව සිවිල් කටයුතු සඳහා හමුදාව අනුයුක්ත කිරීම ජනාධිපති බලය අනිසි ලෙස භාවිතා කිරීමක් බවයි ආචාර්ය වික්‍රමබාහු කරුණාරත්න අවධාරණය කරන්නේ.
ආණ්ඩු විරෝධි බලවේග මැඩ පැවැත්වීමට ජනාධිපතිවරයා විසින් හමුදාව යොදා ගැනීම හරහා විශාල ගැටුම් ඇති විය හැකි බවටයි නසසප නායකයා අනතුරු අඟවන්නේ.
ශ්‍රිලනිපය හා තවත් පක්ෂ පොහොට්ටු පක්ෂය සමග සන්ධාන ගත වී ෆැසිස්ට් පෙරමුණක් නිර්මාණය කරගෙන ඇති බව පෙන්වා දෙන නසසප නායක ආචාර්ය වික්‍රමබාහු කරුණාරත්න ඊට එරෙහි වාමාංෂිකයන් හා ලිබරල් සංවිධාන පෙරමුනු ගත නොවීම පිළිබඳව කනස්සල්ල පළ කර ඇත.
ඉදිරි මැතිවරණය ඉල්ලක්ක කර ගිනිමින් හා ඉන් පසුවත් ෆැසිස්ට්වාදයට එරෙහිව කටයුතු කිරීමට රනිල් වික්‍රමසිංහ ප්‍රමුඛ එක්සත් ජාතික පක්ෂ අනෙකුත් ප්‍රජාතන්ත්‍රවාදී බලවේග සමග එක්ව කටයුතු කරනු ඇති බවට ආචාර්ය වික්‍රමබාහු කරුණාරත්න වැඩි දුරටත් විශ්වාසය පළ කළේය.
Facebook Comments
