පක්ෂ දේශපාලනයෙන් තොරවු නව දේශපාලන ප්‍රවාහයක් රට තුල ගොඩනැගෙමින් තිබෙන බවට එජපෙ ප්‍රබල මන්ත්‍රීවරයෙක් පෙන්වා දී තිබේ.
එම වඅස්ථාවට උචිත දේ සිදු කරන නව ප්‍රවනතාවක් තරුණ පරම්පරවේ ඇතිව තිබෙන බවයි රාජිත සේනාරත්න මන්ත්‍රීවරයා ප්‍රකාශ කර ඇත්තේ.
“පාක්ෂිකයෝ කියන අය එන්න එන්න අඩු වෙනවා. මේක අවබෝධ කරගන්න ඕනෙ අපි ඔක්කොම. යූඑන්පීකාරයො, ශ්‍රී ලංකාකාරයො, පොහොට්ටුකාරයො කියන එක අඩුවෙනවා. අතරමැද පක්ෂයක් නැති, ඒ අවස්ථාවෙදි උචිතම දේ කරන පරම්පරාවක් එන්න එන්නම තරුණයින් අතරේ බිහි වෙනවා.”
2015 වසරේ දී යහපාලනය බලයට ගෙන ඒමට උරදුන් එම දේශපාලන ප්‍රවනතාව 2019 දී යහපාලන රජය කෙරෙහි ඇති වු විශ්වාසභංගත්වය මත එය පරාජය කර දැමු බව 25 අඟහරුවාදා බලපිටියේ ජන හමුවක් අමතිමින් මන්ත්‍රීවරයා පැවසීය.
එක්සත් ජාතික පක්ෂය ප්‍රමුඛ ආණ්ඩුව විසින් මිනීමරුවන්, හොරුන් අල්ලන බවට දුන් පොරොන්දු ඉටු නොකර ඔවුන් සමඟ ඩීල් දැමීම නිසා පාක්ෂිකයින් ඈත් වු බවට රාජිත සේනාරත්න චෝදනා කළේය.
“අපි බොහෝ හොඳ දේවල් කළත් මූලිකම දේවල් මිනිස්සු බලාපොරොත්තු වුණ – මිනීමැරුම් ගැන හෙවීම, මහ දවල් මහා පරිමාණ මංකොල්ල ගැන හෙවීම – අතහැරලා දාලා, ඒ අයත් එක්ක ඩීල් දැමීම පිළිබඳව මිනිස්සුන්ට කුකුසක් ඇති වෙනවා. ඒ කුකුස නිසාම අපිත් එක්ක හිටපු, අපට ආදරය කරපු අපෙන් ඉවත් වෙලා යනවා. මේක තමයි අපි 2018දි දැක්කෙ” මන්ත්‍රීවරයා වැඩි දුරටත් කියා සිටියේය.
Facebook Comments
