ජනාධිපතිගේ කොමිසමට නඩු වැටේ

ජනාධිපතිවරයා විසින් පත්කරන ලද මුල්ම කොමිසමට එරෙහිව සිවිල් සංවිධාන නායකයෙක් මුලික අයිතිවාසිකම් පෙත්සමක් ගොනු කර තිබේ.

2015 ජනවාරි 08 වන දින සිට 2019 නොවැම්බර් 16 වන දින දක්වා අවසන් වූ යහපාලන ආණ්ඩු සමය තුළ සිදුවූ දේශපාලන හිංසනය පිළිබඳ චෝදනා විමර්ශනය කිරීම සඳහා 2020 ජනවාරි 9 වන ජනපති ගෝඨාභය රාජපක්ෂ විසින් පරීක්ෂන කොමිෂන් සභාවට ලබා දී ඇති ඇතැම් බලතල හරහා අයිතිවාසිකම් කඩවී ඇති බවයි විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු සිය පෙත්සමෙන් පෙන්වා දී ඇත්තේ.

එම කොමිසමේ බලතල පරීක්ෂණ කොමිසමක බලයට එහා යන බවටයි ආචාර්යාවරයා සිය පෙත්සමෙන් චෝදනා කරන්නේ.

දේශපාලන පලිගැනිම් පිළිබඳ සෙවීමේ ජනාධිපති පරීක්ෂණ කොමිශන් සභාව වෙත දී ඇති බලතල අනුව අඛණ්ඩව සිදු වෙමින් පවතින හෝ පරීක්ෂණ කොමිසමේ කාලය තුළ ආරම්භ විය හැකි “විමසීම්, විමර්ශන සහ නීතිමය කටයුතු” වලක්වන, බාධා කරන සහ හෝ අගතියට පත් කරන නියෝග කිරීමට නිකුත් කිරීමට එයට හැකි බවටයි ආචාර්ය පාක්‍යසෝති සරවනමුත්තු අනතුරු අඟවා ඇත්තේ.

2020 ජනවාරි 22 වන දින ගැසට් අංක 2159/16 මගින් ජනාධිපති පරීක්ෂණ කොමිෂන් සභාව වෙත ලබා දී ඇති බලය ස්ථාපිත නීතිමය ව්‍යුහයන්ට පිටින් ක්‍රියාත්මක වන අතර අපරාධවලට ගොදුරු වූවන්ට බරපතල අගතියක් ඇති කරනු ඇති බවත් අතර වසර ගණනාවක් තිස්සේ ඇසෙමින් පවත්න නඩු තවදුරටත් ප්‍රමාද විය කරනු ඇති බවයි ඔහු පෙන්වා දෙන්නේ.

නාවික හමුදා ප්‍රධානීන්ට එරෙහි විභාග වන නඩුවක් ඉදිරියට ගෙන නොයන ලෙස නීතිපති දෙපාර්තමේන්තුවට දුන් නියෝගය සිහිපත් කරන දෙන විකල්ප ප්‍රතිපත්ති කේන්ද්‍රයේ විධායක අධ්‍යක්ෂකවරයා කොමිසමේ පුළුල් බලතල ක්‍රියාත්මක කිරිමක් ලෙසයි එම සිදුවීම හඳුන්වා දී ඇත්තේ.

හිටපු නාවික හමුදාපති වසන්ත කරන්නාගොඩ හා තවත් ඉහල පෙලේ නාවික හමුදාවන් පිරිසකට එරෙහි ගොනු කර ඇති නඩුවක විභාගය ඉදිරියට නොපත්වන ලෙස දේශපාලන පළිගැනීම් පිළිබඳව පරීක්‍ෂා කොට කොට තොරතුරු ලබාගැනීම සඳහා පත් කළ ජනාධිපති පරීක්‍ෂණ කොමිසම දුන් අතර ඊට පෙරළා පිළිතුරු යවමින් විභාග වන නඩු කටයුත්තක් සම්බන්ධව නිර්දේශ හෝ නියෝග ලබා දීමට පරීක්ෂණ කොමිසන් සභාවකට බලයක් නොමැති බව නීතිපති දප්පුල ලිවේරා කොමිසමට දන්වා තිබුනි.

“මෙම විශේෂ අවස්ථාවෙහිදී නීතිපති දෙපාර්තමේන්තුවට එය ප්‍රතික්ෂේප කිරීමට හැකි වූ අතර, වෙනත් ඕනෑම විමසීම්, විමර්ශන සහ නීතිමය කටයුතු වලට බාධා කිරීම සඳහා ජනාධිපති පරීක්ෂන කොමිෂන් සභාව විසින් ගත හැකි තවත් පියවර ගැන විකල්ප ප්‍රතිපත්ති කේන්ද්‍රය බියට පත්ව සිටී.” හෙතෙම සිය පෙත්සමේ සඳහන් කර ඇත.

මෙවැනි බලතල ක්‍රියාත්මක කිරීමට පරීක්ෂණ කොමිසක් දරන ඕනෑම උත්සාහයක් ආණ්ඩුක්‍රම ව්‍යවස්ථා උල්ලංඝනය කිරීමක් බවයි විකල්ප ප්‍රතිපත්ති කේන්ද්‍රයේ විධායක අධ්‍යක්ෂ ආචාර්ය පාක්‍යසෝති සරවනමුත්තු සිය පෙත්සමේ වැඩි දුරටත් සඳහන් කර ඇත්තේ.