කොවිඩ් – 19 වසංගතයේ තත්වය වරින් වර වෙනස්වීමට ලක්වන ශ්‍රී ලංකාව මේ වන විට තුන් වන අදියරට (Alert Level 3) නැග ඇති බව සෞඛ්‍ය අමාත්‍යාංශය පවසයි.
එම තත්ත්වය යටතේ නිරෝධායන ඇඳිරි නීතිය පනවා නොමැති ප්‍රදේශවල ක්‍රියාකාරකම් සීමා කළ යුතු ආකාරය පිළිබඳ මාර්ගෝපදේශ මාලාවක් නිකුත් කිරීමට සෞඛ්‍ය අමාත්‍යාංශය පියවර ගෙන තිබේ.
එහි දැක්වෙන පරිදි පාසල්, විශ්ව විද්‍යාල, උසස් අධ්‍යාපන මධ්‍යස්ථාන, ළමා උද්‍යාන, සත්වෝද්‍යාන, පිහිනුම් තටාක, කැසිනෝ, රාත්‍රී සමාජ ශාලා, නවාතැන් සපයන ස්ථාන, ස්පා වසා දමා ඇති අතර ගෘහස්ථ උත්සව, එළිමහන් උත්සව, මහජන රැස්වීම්, සැණකෙළි, සංගීත සන්දර්ශන, වෙරළ සාද සදහා අවසර නැත.
ක්ෂේත්‍ර ගණනාවක් ඇතුළත් කරමින් නිකුත් කර තිබෙන මාර්ගෝපදේශ මාලාව රජයේ ප්‍රවෘත්ති දෙපාර්තමේන්තුව විසින් ප්‍රසිද්ධ කර ඇත්තේ පහත පරිදිය.
01. මුල්‍ය ආයතන (බැංකු, මුල්‍ය සමාගම්, උකස් මධ්‍යස්ථාන ආදිය)
ගනුදෙනුකරුවන් සඳහා ලබාදිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
02. ඇඳුම් පැළඳුම් / රෙදිපිළි වෙළඳසැල්
ඇවිදීමට හැකි 1.5m2 ඉඩ ප්‍රමාණයක් එක් පුද්ගලයෙකුට ප්‍රමාණවත් යැයි සැලකිය හැකිය. එම ආකාරයට ලබාගත හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
03. කෘෂිකර්මාන්තය
උපදෙස්වලට අනුකූලව සම්පුර්ණ ධාරිතාවයෙන් ක්‍රියාකල හැකිය.
04.සිල්ලර බඩු වෙළද සැල් (Grocery)
ගනුදෙනුකරුවන් සඳහා ලබාදිය හැකි ඉඩ ප්‍රමාණයෙන් 50% ක ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
05. විවෘත වෙළඳපොල/ පොළවල් (Open Market/ Fairs)
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 75% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
06.ආර්ථික මධ්‍යස්ථාන
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
07.බේකරිය
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
08.වීදි වෙළෙදන්
සෞඛ්‍ය අමාත්‍යංශය විසින් ලබා දී ඇති උපදෙස්වලට අනුකූලව පුර්ණ ධාරිතාවයෙන් ක්‍රියා කළ හැකිය.
09. ජංගම වෙළෙදන්
අත්‍යවශ්‍ය සැපයුම් සඳහා පමණක් සීමාකර ඇත.
10. ඉදිරිකිරිම් ස්ථාන
සෞඛ්‍ය අමාත්‍යංශය විසින් ලබා දී ඇති උපදෙස්වලට අනුකූලව පුර්ණ ධාරිතාවයෙන් ක්‍රියා කළ හැකිය.
11.බාබර් සහ රූපලාවන්‍යගාර
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
12. රෙදි සේදීමේ ස්ථාන (Laundry)
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
13.මැහුම්කරුවන් සහ ඇඳුම් මසන්නන් (Tailors And Dress Makers)
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
14.සන්නිවේදන වෙළදසැල් / ඡායා පිටපත් සාප්පු
ගනුදෙනුකරුවන් සඳහා ලබා දිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
15.අධිකරණ
සෞඛ්‍ය අමාත්‍යාශය විසින් ලබා දී ඇති උපදෙස් වලට අනුකූලව උසාවියේ මුළු ආසන ධාරිතාවයෙන් 50% උපරිමයකින් ක්‍රියා කළ හැකිය
16. බන්ධනාගාර
අමුත්තන්ට පැමිණීමට අවසර නැත.
17. සෞඛ්‍ය අංශ
රජයේ රෝහල්, පුද්ගලකි රෝහල්, ෆාමසි, රසායනාගාර, වෛද්‍ය සේවා
සෞඛ්‍ය අමාත්‍යංශය විසින් ලබා දී ඇති උපදෙස්වලට අනුකූලව සේවා අවශ්‍යතා පවත්වා ගැනීම සඳහා හැකි අවම සේවකයන් සංඛ්‍යාවක් සමඟ ක්‍රියාත්මක විය හැක.
18. දිවාසුරැකුම් මධ්‍යස්ථාන / පෙර පාසල්
සෞඛ්‍ය අමාත්‍යංශය විසින් ලබා දී ඇති උපදෙස්වලට අනුකූලව 50% ක උපරිම ධාරිතාවෙන් ක්‍රියාත්මක විය හැක.
19. ඕනෑම නිවසකින් පිටවීමට අවසරයක් ලබා දී ඇති පුද්ගලයන් සංඛ්‍යාව
අතවශ්‍ය සේවා සදහා හෝ අවසරලත් වැඩවල නිරත නොවන්නේ නම් නිවසින් පිටවීමට අවසර ලබා දී ඇත්තේ පුද්ගලයන් දෙදෙනකුට පමණි.
20.පුද්ගලික කුලී රථ සේවා
කාර් සහ ත්‍රීරෝද රථ උපරිම මගීන් දෙදෙනකු සීමිත බව සහතික කරන්න.
21. වෙනත් වර්ග වල වාහන
එය ආසන ධාරිතාවෙන් 50% කට සීමා කළ යුතුය.
22. පොදු ප්‍රවාහනය
බස් රථයේ දුම්රියේ 75% ධාරිතාව දක්වා මගීන් ප්‍රවාහනය කිරීමට පමණක් අවසර ඇත.
23. අවශ්‍ය සහ අතවශ්‍ය වන උපයෝගී සේවාවන්
විදුලිය, ජලය, විදුලි සංදේශ, ඉන්ධන පිරවුම්හල්, එල්.පී ගෑස් ස්ථාන, මෝටර් ගරාජ් / ටයර් සේවා සහ තැපැල් / කුරියර් සේවා
අවම කාර්ය මණ්ඩලයක් සමඟ සියලු අතවශ්‍ය සේවාවන් සැපයීම කළ යුතුය.
24. රාජ්‍ය කාර්යාල පෞද්ගලික අංශයේ කාර්යාල සහ වෙනත් කාර්යාල
අවශ්‍ය අවම කාර්ය මණ්ඩලයක් සමඟ කටයුතු කළ යුතු අතර නිවෙසේ සිට වැඩ කිරීමට හැකි සේවකයන් සඳහා එසේ කිරීමට ඉඩ ලබාදිය යුතුය.
25. අපනයන අරමුණු කරගත් කර්මාන්ත
ඇඟලුම්, කෘෂිකර්මික නිෂ්පාදන යනාදිය සේවකයන් සඳහා ආරක්ෂිත නවාතැන් හෝ ප්‍රවාහනය ලබා දීමට කටයුුතු කිරීම
ජෛව ආරක්ෂිත බුබුලක් තුළ ක්‍රියා කළ හැක, මේ සඳහා වැඩි උපදෙස් සෞඛ්‍ය වෛද්‍ය නිලධාරිතුමාගෙන් ලබා ගන්න.
26. සුපිරි වෙළඳසැල්
ඇවිදීමට හැකි 1.5m2 ඉඩ ප්‍රමාණයක් එක් පුද්ගලයෙකුට ප්‍රමාණවත් යැයි සලකමින්, එම ආකාරයට ලබාගත හැකි ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
27. සාප්පු සංකීර්ණ
ඇවිදීමට හැකි 1.5m2 ඉඩ ප්‍රමාණයක් එක් පුද්ගලයෙකුට ප්‍රමාණවත් යැයි සලකමින් ලබා ගත හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සාප්පු සංකීර්ණයේ රැස්වීම් සහ විනෝදාස්වාදයන්ට අවසර නැත
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
28. අවමංගල්‍ය උත්සව ( කොවිඩ් 19 ආසාදනය හා සම්බන්ධ මෘතදේහ සඳහා)
සෞඛ්‍ය අමාත්‍යංශය විසින් ලබා දී ඇති උපදෙස් වලට අනුව ඕනෑම වේලාවක උපරිම වශයෙන් පුද්ගලයන් විසි පස් දෙනෙකුට සීමා විය යුතුයි.
29. පන්සල්, පල්ලි. කෝවිල්
සෞඛ්‍ය අමාත්‍යංශය විසින් ලබා දී ඇති උපදෙස් අනුව මහජනයා එකරැස් වන ක්‍රියාකරකම් හෝ රැස්විම් කිරීමට අවසර නොලැබේ.
ඕනෑම අවස්ථාවක ස්ථානය තුළ සිටිය හැකි බැතිමතුන්ගේ සංඛ්‍යාව උපරිම වශයෙන් පුද්ගලයන් 25 දෙනෙකුට සීමා කළ යුතු අතර ලබා දී ඇති උපදෙස් තදින් පිළිපැදිය යුතුය.
මංගල උත්සව සඳහා පමණක් ඉහත දක්වා ඇති පුද්ගලයන් සංඛ්‍යාවට අවසර ලබාදෙයි.
30.බෝඩිං නිවාස
සෞඛ්‍ය අමාත්‍යංශය විසින් ලබා දී ඇති උපදෙස් වලට අනුකූලව පුර්ණ ධාරිතාවයෙන් ක්‍රියාත්මක විය හැකිය.
කෙසේ වෙතත් නව පුද්ගලයන්ට නවාතැන් ලබා නොදිය යුතුය
31 .ව්‍යායාම ශාලා, ගෘහස්ත ක්‍රිඩා ශාලා
ගනුදෙනුකරුවන් සඳහා ලබාදිය හැකි ඉඩ ප්‍රමාණයෙන් 50% ඉඩ ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
32. ඇවිදින මංතීරු
තනිව ඇවිදීමට පමණක් විවෘත වන අතර පුද්ගලයන් හමුවන ස්ථාන නොවන ලෙසට කටයුතු කරන්න.
33. වෙරළ
විවෘතයි. පුද්ගලයන් එකතු වන ක්‍රියාකාරකම් වලට අවසර නැත.
34. අවන්හල් (පරිභෝජනය කරන)
ආසන ධාරිතාවෙන් 50% ක ආසන ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
35. අවන්හල් (රැගෙන යන)
ආසන ධාරිතාවෙන් 50% ආසන්න ප්‍රමාණයක් වෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
36. පබ්
ආසන ධාරිතාවෙන් 25% ආසන්න ප්‍රමාණයක් වෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
37. මද්‍යසාර අලෙවි සැල්
සෞඛ්‍ය අමාත්‍යංශය විසින් ලබා දී ඇති උපදෙස් වලට අනුකූලව මහජනයා එකතුවීම වළකමින් ක්‍රියාත්මක වීමට අවසර ලැබේ.
38. ඔට්ටු මධ්‍යස්ථාන
ආසන ධාරිතාවෙන් 50% ක ආසන්න ප්‍රමාණයක් සිටින ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
39. හෝටල් , විවේකාගාර
ආසන ධාරිතාවෙන් 50% ක ආසන ප්‍රමාණයක් පිරෙන ආකාරයට ගනුදෙනුකරුවන් ඇතුල්කර ගත හැක.
සෞඛ්‍ය අමාත්‍යාශය ලබා දී ඇති උපදෙස් වලට අනුකූලව කටයුතු කළ යුතුය
40. වසා ඇත
පාසල්, විශ්ව විද්‍යාල, උසස් අධ්‍යාපන මධ්‍යස්ථාන, ළමා උද්‍යාන, සත්වෝද්‍යාන, පිහිනුම් තටාක, කැසිනෝ, රාත්‍රී සමාජ ශාලා, නවාතැන් සපයන ස්ථාන, ස්පා.
41. අවසර නැත
ගෘහස්ථ උත්සව, එළිමහන් උත්සව, මහජන රැස්වීම්, සැණකෙළි, සංගීත සන්දර්ශන, වෙරළ සාද
Facebook Comments
