ආඝාත රෝගය ගැන ඔබ දැනුවත්ද? වීඩියෝව බලන්න

0

මොළයට රුධිර සැපයුම හදිසියේ අඩාල වීමෙන් හටගන්නා ආඝාත රෝගය හැකි විගස හදුනාගනිමින් ජීවිතයක් බේරා ගැනීමට දායක වන ලෙස ජාතික ආඝාත සංගමය ඉල්ලා සිටී.

ආඝාත රෝගය ඇති වීමෙන් මොළයේ ස්නායු සෛල ඉතා වේගයෙන් විනාශයට පත් වන අතර ජීවිත කාලය තුළ සෑම හතර දෙනෙකුගෙන් එක් අයෙකුට ආඝාතය වැළදීමේ හැකියාව පවතින බවයි එම සංගමය පවසන්නේ.

ආඝත රෝගයේ හදිසි ලක්ෂණ දැන ගැනීමට අකුරු හතරක් ” FAST” මතකයේ තබාගන්නා ලෙස ජාතික ආඝාත සංගමය ජනතාවගෙන් ඉල්ලා සිටි.

එම අකුරු හතර සම්බන්ධයෙන් ජනතාව දැනුවත් කරමින් ජාතික ආඝාත සංගමය සමාජ මාධ්‍ය ඔස්සේ බෙදා හැර තිබෙන වීඩියෝවක දැක්වෙන අන්තර්ගතය පහත පරිදිය.

F -මුහුණ දෙස බලන්න. කට එක පසකට ඇද වේද ?
A -අත් දෙස බලන්න. අත ඔසවන විට කඩා හැලේද ?
S- රෝගියා කතා කරන විට වචන පැටලේද ?
T- මේ රෝග ලක්ෂණ ක්ෂණිකව හදුනා ගැනීමෙන් ජීවිතයක් බේරා ගැනීමට දායක වන්න

මෙම ලක්ෂණ පවතීනම් 1990 අංකයට ඇමතීම හෝ රෝගියා ලගම ඇති ප්‍රධාන රෝහලට රැගෙන යන ලෙස ජාතික ආඝාත සංගමය ඉල්ලා සිටී.

අඝාතයට ප්‍රතිකාර කළ හැකි අතර හැකි ඉක්මනින් ප්‍රතිකාර ලබා දීමෙන් මරණය වළක්වා ගැනීමටත්, ආබාධිත තත්වයන් අවම කර ගැනීමත් කළ හැකි බව එම සංගමය වැඩි දුරටත් දන්වා සිටි.

සෑම වසරකම ඔක්තෝබර් 29 ලෝක ආඝාත දිනය ලෙස නම් කර තිබේ.

Facebook Comments

wedding people