අයෝමා සමගින් ගෝඨාභය බැංකොක් නුවරට ගොඩබසී

0
රොයිටර්ස්/Tananchai Keawsowattana

ආණ්ඩු විරෝධී අරගලය හමුවේ ශ්‍රී ලංකාවෙන් පලාගිය හිටපු ජනාධිපති ගෝඨාභය රාජපක්ෂ බැංකොක් නුවර දොන් මුආන්ග් ජාත්‍යන්තර ගුවන් තොටුපලින් තායිලන්තයට ගොඩ බැස තිබේ.

වීසා කල් ඉකුත් වන සිංගප්පුරුවේ සිට ඔහු සිය බිරිඳ අයෝමා සමගින් පැමිණ ඇත්තේ පුද්ගලික ගුවන් යානයකින් බව රොයිටර් පුවත් සේවය වාර්තා කරයි.

ඔහුට රාජ්‍ය තාන්ත්‍රික ගමන් බලපත්‍රයක් ඇති හෙයින් තායිලන්තයේ රැඳී සිටිය හැකි වන්නේ දින 90 ක කාලයක් පමණක් බව එරට විදේශ අමාත්‍ය දොන් ප්‍රමුද්විනායි පවසා ඇත.

ඩේලි මිරර් නියෝජ්‍ය කතුවරිය ජමිලා හුසේන් පවසන පරිදි හිටපු ජනාධිපතිගේ ගුවන් ගමන් වියදම් දරා ඇත්තේ ඔහුගේ පුත්‍ර මනෝජ් සහ නම් නොකළ වෙළෙඳ ව්‍යාපාරිකයකු විසිනි.

ඒ තොරතුර තහවුරු කිරීමට මූලාශ්‍ර ඇය විසින් දක්වා නැත.

Facebook Comments