හිටපු ජනපති මහින්ද රාජපක්ෂ සහ ඔහුගේ දේශපාලන කණ්ඩායම විසින් සිදු කරන අනවශ්‍ය බලපෑම් හේතුවෙන් මාධ්‍යවේදී ප්‍රගීත් එක්නැළිගොඩ අතුරුදහන් කිරීම සම්බන්ධ පරික්ෂණ වලට බාධා සිදු වන බවට සන්ධ්‍යා එක්නැලිගොඩ චෝදනා කරයි.
එම දේශපාලන බලවේග විසින් “රජයට පවා” කරන බලපෑම් ද පරීක්ෂණ පමා වීමට හේතු වී ඇති බවට විශ්වාසය පල කරන ඇය දැනට මෙම සිද්ධියට චෝදනා ලබා සිටින හමුදා බුද්ධි අංශ නිලධාරින් තොරතුරු සඟවමින් සිටින්නේ එම බලපෑම් නිසාවෙන් බවයි ඇය පෙන්වා දෙන්නේ.
මෙම සිද්ධිය සම්බන්ධයෙන් අපරාධ පරික්ෂණ දෙපාර්තුමේන්තුව ඉල්ලා සිටින කිසිඳු තොරතුරක් යුද හමුදාව විසින් මෙතෙක් ලබා දී නැති බවට චෝදනා කරන සන්ධ්‍යා එක්නැළිගොඩ පරික්ෂණ සාර්ථක කර ගැනීමට යුද හමුදාපති මහේෂ් සේනානායකගේ මැදිහත් වීම බලාපොරොත්තු වන බව 15 සඳුදා පැවති මාධ්‍ය හමුවක දී කියා සිටියාය.
ජනාධිපතිවරණයට දින කිහිපයක් තිබියදී 2010 ජනවාරි 24 දා ප්‍රගීත් එක්නැලිගොඩ කොළඹට ආසන්නයේදී පැහැරගෙන ගොස් අතුරුදහන් කිරීම සම්බන්ධයෙන් චෝදනා ලබන යුද හමුදා ඔත්තු සේවයේ නිලධාරීන් අට දෙනාම 2016 මැයි මාසය වනවිට ඇප ලබා නිදහස්ව ගොසිනි.
Facebook Comments
