පාරිභෝගික අයිතීන් සුරැකීමේ ජාතික ව්‍යාපාරය සම්බන්ධව ද්වේශ සහගතව පදනම් විරහිතව පාරිභෝගික ප්‍රජාව අතර කළකිරීමක් සහ වැරදි හැගීමක් ඇතිවන ආකාරයේ ප්‍රකාශ සිදුකිරිම හරහා එම සංවිධානය අගතියට පත්වු බව පවසමින් සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න වෙත එන්තරවාසියක් යොමුකිරීමට එහි සභාපතිවරයා කටයුතු කර තිබේ.
නිතිඥ විකුම් බස්නායකගේ අත්සනින් යුතුව යවා ඇති එන්තරවාසිය හරහා දින 21ක් තුළ රුපියල් මිලියන 25ක මුදලක් ගෙවීමට කටයුතු කරන ලෙස පාරිභෝගික අයිතීන් සුරැකීමේ ජාතික ව්‍යාපාරය අමාත්‍ය රාජිත සේනාරත්න හට දැනුම් දී ඇත.
ගැසට් පත්‍රයක් මඟින් මිල අඩුකළ ඖෂධ නමුත් නැවත 2017 දෙසැම්බර් 14 වන දින අති විශේෂ ගැසට් පත්‍රය මඟින් නැවත මිල වැඩි කිරීම පිළිබඳ ජනතාව දැනුවත් කරමින් ප්‍රසිද්ධ මාධ්‍ය නිවේදනයක් නිකුත් කිරීමට තම සේවාදායකයා ක්‍රියා කිරීම අමාත්‍යවරයාගේ මෙම ද්වේශ සහගත කරුණු දැක්වීමට පදනම් වී ඇති බවද එම එන්තරවාසියේ වැඩි දුරටත් සඳහන්ව තිබේ.
Facebook Comments
