ගෝඨා ගේ වාසියට දුන් ඇමරිකන් උසාවි තීන්දුවට එරෙහිව අභියාචනයක්

0
278
Ivory Agency Sri Lanka
wedding people
Loading...

එක්සත් ජනපද අධිකරණය විසින් ඉවත දමන ලද ගෝඨාභය රාජපක්ෂට එරෙහි නඩු අභියාචනා කරන බවට සන්ඩේ ලීඩර් පුවත්පතේ හිටපු කර්තෘ ලසන්ත වික්‍රමතුංග ගේ දියණිය පවසා තිබේ.

දස වසරකට ඉහත දී අධි ආරක්ෂිත කලාපයක මරා දමනු ලැබු සන්ඩේ ලීඩර් පුවත් පතේ ආරම්භ කතෘ ලසන්ත වික්‍රමතුංග ඝාතනයට ගෝඨාභය රාජපක්ෂ වගකිවයුතු බවට චෝදනා කරමින් කතුවරයාගේ දියණිය වන අහිම්සා වික්‍රමතුංග පසුගිය අප්‍රේල් මාසයේදී නඩු පවරන ලදී.

කැලිෆෝනියා දිස්ත්‍රික් අධිකරණයේ පවරන ලද නඩුව 21 අහරුවාදා එම අධිකරණය විසින් නිෂ්ප්‍රභ කර ඇත.

එම තීන්දු සම්බන්ධයෙන් අභියාචනයක් ඉදිරිපත් කරන බව ලසන්ත වික්‍රමතුංගගේ දියණිය වන අහිම්සා වික්‍රමතුංග පැවසූ බව සාධාරණත්වය සහ වගවීම පිළිබඳ මධ්‍යස්ථානය (Center for Justice and Accountability) නිවේදනයක් නිකුත් කරමින් කියා තිබේ.

යුක්තියට පරාජයක්

“මෙය මගේ පියා වෙනුවෙන් යුක්තිය පතා අපේ පවුලේ උදවිය ගෙනගිය දීර්ඝකාලීන සටනට මෙන්ම, ශ්‍රී ලංකාවේ මාධ්‍යවේදීන් ඝාතනය කොට දණ්ඩ මුක්තිය භුක්ති විඳීම අවසන් කිරීම සඳහා ගෙනයන ව්‍යාපාරයටත් කලකිරවනසුලු පසුබෑමකි,” යි ලසන්ත දියණිය පවසයි.

ගෝඨාභය රාජපක්ෂ ලසන්ත ඝාතන සමයේ ශ්‍රී ලාංකික පුරවැසිභාවය සහිතව ශ්‍රී ලංකාවේ ආරක්ෂක අමාත්‍යංශයේ ලේකම්වරයා ලෙස කටයුතු කර තිබීම නිසා පොදු නීතියේ මූලධර්ම යටතේ විදේශීය නිලධාරී මුක්තිය හිමි වීම, විත්තිකරු ඇමෙරිකාවේ පුරවැසිභාවය ලබාගෙන ඇතත් විත්තිකරු ඉන් ඉවත් වූ බව විත්තිකාර පාර්ශවය පැවසීම, ලසන්ත වික්‍රමතුංග ඝාතනයට විත්තිකරු සෘජුව සම්බන්ධ බවට පැමිණිලි පාර්ශවය කරුණු දක්වා නොතිබීම. හා නඩුවට අදාළ චෝදනා රාජ්‍යයකටම බලපාන චෝදනා ලෙස පිළිගත නොහැකි වීම මත නඩුව ඉවත දැමු බවයි අධිකරණය දැනුම් දී ඇත්තේ.

මේ අතර ත්‍රස්ත විමර්ශන ඒකකයේ රඳවා තුන් අවුරුද්දක් වධ හිංසා කිරීම සම්බන්ධව හිටපු ආරක්ෂක ලේකම් ගෝඨාභය රාජපක්ෂට එරෙහිව සත්‍යය හා යුක්තිය සඳහා වන ජාත්‍යන්තර ව්‍යපෘතිය (ITJP), හවුස්ෆෙල්ඩ් ජාත්‍යන්තර නීතිඥ ආයතනය හා මානව හිමිකම් නීතිඥ ස්කොට් ගිල්මෝර් සමග එක්ව රෝයි මනොජ්කුමාර් ඇතුලු 11ක් වෙනුවෙන් පැවරූ නඩුවට දක්වා ඇති විරෝධතා නොවැම්බර් 16 වනදා විභාගයට ගැනීමට නියමිතව ඇත.

Facebook Comments

Loading...