යාපනයේ අන්තර් ජාතික සිනමා උළෙල ඇරඹේ

යාපනය විශ්වවිද්‍යාලයේ ලලිත කලා අංශය සහ සිලෝන් තියටර් ආයතනය සමඟින් Agenda 14 ආයතනය එක්ව පවත්වන යාපනයේ අන්තර්ජාතික සිනමා උළෙල සිව්වන වරටත් පැවැත්වේ.

සිනමා උලෙළ ඔක්තෝම්බර් 03 වනදා සිට 08 වනදා දක්වා පැවැත්වෙන බවයි සංවිධායකයින් නිවේදනය කරන්නේ.

මෙහි ප්‍රධාන ආරාධිතයා ලෙස ඉන්දියානු ප්‍රවීන චිත්‍රපට අධ්‍යක්ෂ සාජි නීලකාන්දන් කරුන් මහතා සහභාගී විය.

“Celebration Independent Cinema in Peninsula” තේමාව රැගත් මෙම සිනමා උළෙලෙහි අරමුණ වන්නේ පශ්චාත් යුද සමයේ යුද්ධයට ගොඳුරුව දුක් විදි ජාතීන් අතර මනා සහජීවනයක්,සංහිදියාවක් හා සංවාදයක් ඇතිකිරීමට ඉඩ හසර ලබාදීමයි.

මෙම සිනමා උළෙලට අදාළ ප්‍රදර්ශනයන් මැජෙස්ටික් සිනෙ ප්ලෙක්ස්,යාපනය විශ්වවිද්‍යාලයේ කෛලාස ශ්‍රවණාගාරය, මහජන පුස්තකාල ශ්‍රවණාගාරය,බ්‍රිතාන්‍ය කවුන්සිලය, ඇමරිකන් කෝනර් ආදී ස්ථානවලදී පැවැත්වෙන බවයි සංවිධායකයින් වැඩි දුරටත් නිවේදනය කරන්නේ.