විදුලි බල කප්පාදුවේ සම්පූර්ණ වගකීම රජයක් ලෙස බාරගත යුතු බවත් ජනතාවට අවශ්‍ය විදුලි බලය අඛණ්ඩව සැපයීමට රජයක් ලෙස නොහැකි වීමේ වගකීමෙන් මිදීමට ආණ්ඩුවේ කිසිවෙකුටත් ඉඩක් නොමැති බව අගමැතිවරයා ප්‍රකාශ කර තිබේ.
2015 වසරේ අගෝස්තු මාසයත්, 2018 වසරේ ඔක්තෝම්බර් මාසයත් අතර කාලය තුළ ඉන්දියාව, ජපානය හා චීනය ශ්‍රී ලංකාවේ ස්වාභාවික ද්‍රව වායු බලාගාර 3ක් ඉදිකිරීමට එකඟතාවයකට පැමිණියද එම බලාගාර ඉදිරිකිරීමට නොහැකි වු බව ද අගමැති රනිල් වික්‍රමසිංහ කියා සිටියේය.
එම බලාගාර ඉදිරිකිරීමට නොහැකි වුයේ කුමන පුද්ගලයාගේ අදක්ෂතාවය නිසා දැයි 28 බ්‍රහස්පතින්දා එක්සත් ජාතික පෙරමුණ ආණ්ඩුවේ මැති ඇමතිවරුන් සමග කොළඹ අරලියගහ මන්දිරයේ පැවති හමුවකදී අග්‍රාමාත්‍යවරයා ප්‍රශ්න කළේය.
ආණ්ඩු අතර ඇතිකරගන්නා ගිවිසුම් මත මෙම බලාගාර ඉදිකිරීම් ආරම්භ කළේ නම් ඒවායේ වැඩ අවසන් කිරීමට තිබුණේ යැයිද අගමැති රනිල් වික්‍රමසිංහ මෙහිදී පෙන්වා දී තිබේ.
ජනතාවට අවශ්‍ය විදුලිය අඛණ්ඩව සැපයීමට ගතයුතු සෑම පියවරක්ම අනුගමනය කරන ලෙස උපදෙස් දී අගමැතිවරයා ඉදිරි දින කිහිපය ඇතුළත විදේශ රටවලින් ඇණවුම් කර තිබූ විදුලි ජනන යන්ත්‍ර සියල්ලම ලංකාවට ගෙන ඒමට නියමිත බව ද සඳහන් කර ඇත.
Facebook Comments
