පාර්ලිමේන්තු මන්ත්‍රී ආචාර්ය ජයම්පති වික්‍රමරත්න මහතාට මරණ තර්ජනයක් එල්ල වී තිබේ.
මන්ත්‍රීවරයා විසින් වරප්‍රසාද ප්‍රශ්නයක් මතු කරමින් 07 බදාදා පාර්ලිමේන්තුවට දැනුම් දුන්නේ තමන්ට දුරකතන ඔස්සේ පරුෂ වචනයෙන් බැනවැදී, පවුලේ සියලු දෙනා මරා දමන බවට තර්ජනය කර තිබෙන බවයි.
ඒ පිළිබඳව වැලිකඩ පොලීසියට පැමිණිල්ලක් කර තිබෙන අතර මේ සම්බන්ධයෙන් පරීක්ෂණයක් කරන ලෙස ද ඔහු පාර්ලිමේන්තුවෙන් ඉල්ලා සිටියේ ය.
සිදු කර ඇතැයි කියන තර්ජනය සම්බන්ධයෙන් විධිමත් පරීක්ෂණයක් සිදු කරන අතර එය පාර්ලිමේන්තුවේ වරප්‍රසාද කමිටුවටත් පොලිස්පතිතුමා වෙතත් ඉදිරිපත් කර විධිමත් පරීක්ෂණයක් සිදු කරන බව නියෝජ්‍ය කතානායක තිලංග සුමතිපාල මහතා පාර්ලිමේන්තුවේ දී ප්‍රකාශ කළේ ය.
Facebook Comments
