ශ්‍රී ලංකාව හැර දමා නීති විරෝධී ලෙස මුහුදු මාර්ග ඔස්සේ අනවසරයෙන් විදෙස් රටකට සංක්‍රමණය වීමට උත්සහ කළ බවට සැක කෙරෙන ශ්‍රී ලාංකිකයන් පිරිසක් උපන් බිමේම රඳවා ගන්නට ශ්‍රී ලංකා නාවික හමුදාව පියවර ගෙන තිබේ.
ත්‍රිකුණාමලය එරක්කන්ඩි වෙරළ ප්‍රදේශයේ සහ මන්නාරම තාල්පාඩු වෙරළ ප්‍රදේශයේ ජුලි 05 වන දින රාත්‍රියේ සිදුකළ සෝදිසි මෙහෙයුමකදී සිද්ධියට සම්බන්ධ පුද්ගලයන් 53 ක් සමග ජාවාරම්කරුවන් 02 දෙනෙකු නාවික හමුදා සිය භාරයට ගෙන ඇත.
මෙම පිරිස අතර පිරිමි පුද්ගලයන් 12 ක්, කාත්තාවන් 11 ක් හා ළමුන් 23 දෙනෙකු ඇතුළු 46 දෙනෙකු සිටින බවයි නාවික හමුදාව නිවේදනය කරන්නේ.
සැකකරුවන් පිරිස කින්නියා, මූතූර් සහ කුඹුරුපිඩ්ඩි යන ප්‍රදේශයන්හී පදිංචිකරුවන් බවට හඳුනාගෙන ඇති අතර එම පිරිස ඉදිරි නීතිමය කටයුතු සඳහා කුච්චවේලි පොලිසිය වෙත භාර දී තිබේ.
මීට අමතරම එදිනම මන්නාරම, තාල්පාඩු වෙරළ ප්‍රදේශයේ කළ සෝදිසි මෙහෙයුමදී ඩිංගි යාත්‍රාවක් යොදා ගනිමින් වෙනත් රටකට නීති විරෝධී ලෙස සංක්‍රමණය වීමට උත්සාහ කළ බවට සැක කෙරෙන පිරිමි පුද්ගලයන් 03 ක් කාන්තාවක් (01) සහ කුඩා ළමුන් 03 ක් ඇතුළු 07 දෙනෙකු සමඟ එම ජාවාරමට සම්බන්ධ ජාවාරම්කරුවන් 02 ක් තාල්පාඩු වෙරළ තීරයේදී නාවික හමුදාව සිය භාරයට ගෙන ඇත.
වයස අවුරුදු 05 ත් 48ත් අතර වයසේ පසුවන එම පිරිස කොළඹ, බදුල්ල, වව්නියා සහ මාන්නරම යන ප්‍රදේශයන්හී පදිංචිකරුවන් බවට හඳුනාගෙන ඇති අතර ඔවුන් ඉදිරි නීතිමය කටයුතු සඳහා මන්නාරම පොලිසිය වෙත භාරදීමට කටයුතු කරන බවයි නාවික හමුදාව නිවේදනය කරන්නේ.
Facebook Comments
