පුද්ගලයන් ගැවසෙන ස්ථානවල ඇති අවදානම පිළිබද සැලකිලිමත් වීමෙන් වසංගත අවදානම මගහැරීම සඳහා පියවර ගන්නා ලෙස එක්සත් ජාතීන්ගේ සංවිධානය ඉල්ලා සිටී.
ඇතැම් ස්ථානයන්හි කොවිඩ් – 19 පැතිරීම වඩාත් පහසු බව පෙන්වා දෙන ලෝක සෞඛ්‍ය සංවිධානය අවධාරණය කරන්නේ බොහෝ පුද්ගලයන් ගැවසෙන ජනාකිර්ණ ස්ථාන, එකිනෙකා සමග සමීප කතාබහේ යෙදෙන ස්ථාන හා වාතාශ්‍රය අඩු සංවෘත ස්ථානවල මෙම අවදානම වැඩි බවයි.
ඉහත සාධක දෙකක් හෝ සියල්ල එක්තැන් වු විට අවදානම අති ප්‍රබල බව පවසන ලෝක සෞඛ්‍ය සංවිධානය කළ යුත්තේ කුමක්ද යන්න සම්බන්ධයෙන් ජනතාව දැනුවත් කිරීම සදහා විඩියෝවක් සමාජ මාධ්‍ය වෙත නිකුත් කර තිබේ.
එමගින් ලබා දී ඇති උපදෙස් මාලාව පහත පරිදිය.
සෙනග ගැවසෙන ස්ථාන මගහරින්න,
ඔබේ දෑත් සබන් සහ ජලයෙන් හෝ මධ්‍යසාර අඩංගු විෂබීජ නාශක ද්‍රාවණයකින් සෝදන්න,
අන් අය සමග මීටර එකකවත් දුරස්ථභාවයක් තබාගන්න,
කහින විට හෝ කිවිසුම් අරින විට වැලමිටේ ඇතුළු පැත්තෙන්, මුඛය සහ නාසය ආවරණය කර ගන්න,
මුඛ ආවරණයක් නිවැරදිව පළදින්න,
හැකි සෑමවිටම අලුත් වාතාශ්‍රය ඇතුල් වීමට දොර ජනෙල් විවෘතව තබන්න,
භාණ්ඩවල මතුපිට නිතර පිරිසිදු කරන්න,
කොවිඩ් – 19 රෝග ලක්ෂණ ඇත්නම් 1999 අමතන්න ( උණ, කැස්ස, උගුරේ වේදනාව, හුස්ම ගැනීමේ අපහසුතාවයක්).
Facebook Comments
